على البال ياللي ماخذ القلب ويـااك=تماديت في حبّـك ولكـن عسرنـي
معاد استطيع أقاومـك فـي مزيـاك=تمكنت من قلبي وهجـرك دمرنـي
ترى الحال ماهي حال من دون لقياك=وترى الوقت في غيبتك خان وبترني
ومافيه من سوى بحالـي سوايـاك=وعلى كبر عزمي قوّ باسك قدرنـي
انا اللي حشمتك عن هـذولا وذولاك=وسويت كل اللـي خفوقـك أمرنـي
وداريت عن سمعتك هرج(ن) تقفاك=وبعد كل هذا يالحبيـب تهجرنـي؟؟
أفاا .. ماهقيت تخون بيتك ومربـاك=وتضوي شموع(ن) بالغياب تحقرني
فـمشكور ماقصّرت ياطيب يمنـاك=ترااك الوحيد اللي غيابه كسرنـي!
أبروح وأتحمـل غيابـك وفرقـاك=بعد ماتعـذرت الوصـال وعذرنـي