السلام عليكم ورحمة الله وبركاته
طاروق بين الشاعرين الكبيرين
طلق بن زاروط العازمي ............ سالم الشلاحي المطيري
اليكم الطارووووق
طلق بن زاروط
مرحبا والله يقدرني على رد الجمايل / ياصناديد الرجال اللي مواقفهم ثمينه
بعدها نبغى نحكم الشعر في بدع المثايل / ومن تقدم ياهل الواجب عسى الله لايهينه
سالم الشلاحي
البقا في محفل اهل الطيب ماضين الفعايل / والامانه باقيه يالعازمي في ايدين امينه
من عرف خط المدينه ماجهل في خط حايل / وانت منته ضايعن مابين حايل والمدينه
طلق بن زاروط
يامطير اصحابنا وش ثار نعرات القبايل / واكثر البدوان شدوا وانزلوا وسط المدينه
انت مشيت البعير اللي عليه الحمل مايل / وان نشدتك قلت مبغى احدن يجي بيني وبينه
سالم الشلاحي
جيشنا عدة كتايب جيشكم عدة فصايل / والفصايل تالي الايام تغشاها السكينه
ياطلق من يقدر يحط الاخير مع الاوايل / احدن يطلع بعرفه واحد يطلع من سنينه
طلق بن زاروط
جيشنا في حزة الفزعات عنه الشك زايل / وانت جيشك يالمطيري عام الاول خابرينه
قالوا انك صاحب الشيعي وانا مانيب قايل / وش تبي بالشيعي اللي لاحضر وياه طينه
سالم الشلاحي
الله الله جيشكم في مامضي سوى الهوايل / بس حنا بالذخيره والسلاح محاصرينه
يابن عازم لاتكلم في كلام بـلا دلايـل / من قديم الوقت مايسجد جبيني مع جبينه
طلق بن زاروط
كد فزعنا بالفعول وكد فزعنا بالرسايل / والخوي لامن وقف فالازمه حنا نعينه
ياولد عباد عد الحق دام الراس طايل / واعرف انا ماجهلنا فالزمن دينك ودينه
سالم الشلاحي
بيض الله وجه رجلن وقفته وقفة صمايل / لحية (ن) ماهي لوجه الله واجبها المكينه
الولد يحمي لزومه والجمل للحمل شايل / والغبي رجلن ليا مرض الجمل يكوي سنينه
طلق بن زاروط
حد علمي فيك هاك العام يوم السيل سايل / واذكر الاحداث واللي صار ياسالم غبينه
اخر الايام قالوا عنك عامل لك عمايل / والعمايل ياعميل المعرفه ماهيب زينه
سالم الشلاحي
البنادم عايشن بأحلام وايامه قلايل / ليت بن زاروط يحسب وقته الله لايهينه
ودمتم سالمييييييييييييييييييييييييين