السلام عليكم ورحمة الله وبركاته
ابيات للتواصل
كيف تزعل من تفاهات . الامور = كيف عينك ماتناظر . ناظرك
كيف قلبك يمتلي . كره وغرور = كيف ذنبك لا رتكبته . كابرك
كيف دمك كل ماجيتك . يفور = كيف فكرك في زمانك . هاجرك
كم تجاهلت الخطا في كل . دور = كم رضيت . وكم سمحت لخاطرك
الكريم اليا عفا ماهو مأمور = العفو عنده يساوي . حاضرك
منت في هذا الخطا شخص . معذور = الله يسامحك شفني . عاذرك
من عرفتك وانت تجرح . بالشعور = ليمتى بيديك تطعن شاعرك
ماتشوف احساس قلبه . بالسطور = لابغى يكتب بغيرك . باشرك
كان ماحسيت بالقلب الغيور = قلت لك بما فعلته . شاكرك
انت غالي بالغياب وبالحضور = صاحبك لو ماذكرته ذاكرك
راجع الماضي من ايام وشهور = قبل لاتخسر محبٍ بادرك
الله اللي عالم ٍ ما فالصدور = ماظلمتك لا ولاني حاقرك
كان لك قلبٍ على الفرقا جسور = رح فمان الله ماني جابرك
لو تلف الكون والدنيا تدور = منت لاقي شخص مثلي باشرك
وتمت