ياللي تبي فرقاي تبشر بفرقاي
وابشرك فرقاك عندي بشاره
ماشفت في وصلك ياكود التشكاي
فرقاك ربح ووصل مثلك خساره
الداي في وصلك وبفراقك دواي
كيشتها والحر يفهم باشاره
والحب سايد رايح وسايدآ جاي
وانت تنقل بين حاره وحاره
لاتنقلب بالدرب ياتايه الراي
ولا من السرعه تطوف الاشاره
قلبك وتفكيرك معه وانت وياي
وانته معي فكري معك ياخساااره
وبسئلك! عن سكر الشاي والماي
تقدر تعزله?? بعد حل انتشاره
انا معك مثله!! ويا عظم بلواي
مير الحلا يقفاه طعم المراره
قبلك ما اعرف اشرب زقاره مع الشاي
والحين ويا الشاي لازم زقاره
أتريح اعصابي وافكر بدنياي
واسج مع نفسي و اغني عباره
انك تبي فرقاي وابشر بفرقاي
وابشرك فرقاك عندي بشاره