تدرين ويش أكبر خطا في حياتي = أني وفيت لَشخص خاين وكذاب
كنت أحسب الايام تجمع شتاتي = واثر الامل لا غاب مايترك اسباب
أللي خسر في عالم المغرياتي = لا تحاسبه ماعاد يحتاج لحساب
هذا هو الواقع وهذي نجاتي = صم الأذاني فاقده حرق الاعصاب
أخطيت مدري تهت بالأمنياتي = بس الوكاد اني من الذنب تواب
لا صرت ماتخشع تضيع الصلاتي = ولاتحس بالغربه سوا انفوس الاغراب
وان كان ماتؤمن بقرب المماتي = بكره تعرف ان الاوادم من تراب
شفني صبرت ولا تثنت عصاتي =وأكبر قهر تصبر على غير ماطاب
أنا اعرف اخلاقي وحقق سماتي =وأنا اعرف أطباع البشر كيف تنعاب
اللي قدر ياخذ من أعماق ذاتي = راحت به أفكاره وللحق طلاب
يكفي عرفت أكبر خطا في حياتي = حتى لون اليأس واقف ورا الباب