السلام عليكم ورحمة الله وبركاته
_______
يا ناشدن عنا ترى ايامنا سود
ماهي على خبرك ذيك الليالي
ايامنا ماهي ترى سهود ومهود
تغيرت يا ناشدن كيف حالي
اكبر دليل اني من الوقت مضهود
ياتيك يا مرسلن علي السؤالي
انا ترى وسط شارع اجوار رود
امشي وفكري مـنَه جاله اهبالي
من كثر ما امشيبه تقول شخص مطرود
ولا كما منهو من العقل خالي
اروحبه وارجع على غير مقصود
وليا رجعت اقعد بكوستا لحالي
ماحولي الا اكراد وخبول وهنود
الله اكبر كيف هذا جرالي
مكتوب المكتوب ماعنه مصدود
امرن مقدر من عزيز الجلالي
_____________
انا حافظهم صم فـ الرد مو مع القاف لكن ابكتب وان كان في غلط اسمحولي تراني حافظ مو كاتبهم
_____________
الي كتب الله مافيه حيله
والحمدلله يابو تركي سهالات
كلن على ماقيل ماخذ حصيله
والفايز الي شال حمل الثقيلات
ياراعي الوقفات حملك تشيله
انت الصعب يوم المواقف صعيبات
مدام في صحه وخير وفضيله
نرضى على المقسوم لو هو متاهات
( اظن انها نرى بالمقسوم )
_____
رد
_____
يا طلال يا شوق مركوز الانهاد
الي وهبه الله على الخد شامه
يامرحبا وعداد ماعد عداد
واعداد ماهل المطر من غمامه
واعداد براقن تقفاه رعاد
واعداد زملوق الزهر بالخزامه
للكون خلاقن وللناس ميلاد
ومثلك يافيه الشهامه علامه
افرح ليا من المطر بالوطا زاد
وافرح لشوفك يا رفيع(ن) مقامه
واليوم يا فلان يا نسل الاجواد
نويت بالرده وعليك بالسلامه
________
القصيده قصيده ومتاكد اني مطوف بيوت على القصيده الثانيه ناسيها ومدري ان كان في رد اخر
اسمحولي اذا مكسر بالبيت لكن نقلت الي حافظه