لو الردي له ميزةٍ في علابيه = ولا بوسط الوجه بانت رداياه
كان الزمن سالم بهذي وهذيه = لا شك فعل الرجل باين بيمناه
وانا احب اللي علومه تبديه = حلحيل حرٍ واصلٍ حد مرقاه
لا قال شيٍ يفعله مت مواريه = صايب وذكر الله على الكل بداه
ولا حب شيطان العرب في دعاويه = لا صكة البقعا تعذر بفرقاه
لا نافعٍ ربعه ولا شي يسويه = ولو عدة فعول العرب مالقيناه
لن العرب تشره بكثر المشاريه = ويمناك يم الطيب دايم مضراه
وانت الشجاع اللي لقينا ملافيه = شجاع قومك يوم كلٍ وملفاه
ابو علي اللي ليا ضقت بنصيه = تحدرة من فوق مادمت بنصاه
مثلك شبيه الريح لاهب ذاريه = جاب الحيا والخير والوسم يتلاه
وانتَ سليل العود لاجبت طاريه = اقوم واقعد واتحفا لطرياه
حمد الغريب اللي على المجد بانيه = منهو قدر يفعل يسوي سواياه
مثل الجبل هامته والجود ضافيه = يابو علي يالي خبرنا مزاياه
بنصاك وادري لازمي تبتقضيه = لنه بدك حله وفيديك تنساه
ولنتب بذاخر شي منتب مسويه = توقيع قبلك من شخطه وتولاه
شخطة قلم يابو علي ثم تنهيه = موضوعي اللي جيت بيديك تنهاه