طواري وأنا يم الطواري غشيـم أدروب=ليا جاني الطاري على طـول خاويتـه
لو أنه يوديني لجمر الغضـى المشبـوب=لحقتـه وسـلانـي بهـمـي وسليـتـه
يوديني اللي ضحكته ضحكة الغرشـوب=منى قلبي اللي صفحـة البعـد طاويتـه
وأنا ماتبعته شوق لاكن غـلا المحبـوب=يخلينـي أقطـع ساقتـه ناحـرن بيتـه
على الود نقضي ليلةٍ عدهـا محسـوب=أنا والقمر واللـي مـن النـاس حبيتـه
اسولف عليه ويستمع غايـة المطلـوب=وأعلمّه في ضيم الجفـى يـوم حسيتـه
وأضمه غلا وأبكي علي حظي المغلـوب=وعاتب جفاه ولابـدى الشـوق ضميتـه
ولاخزني بالعين جريت لـه مسحـوب=قصيـدن علشـان الغـلا فيـه سويتـه
أقول انك اكبر من قصيد الغلا المكتـوب=وتقول انك اكبـر لغـز فينـي وحليتـه
بعكس الغلا اللي ينتثر في الحشا ويروب=غلا قلب مـدري ويـن يازيـن وديتـه
سهرتك غلا واسري بدونك وانا مغصوب=اروح بجسد والقلـب لارحـت خليتـه
معك يانديم الطـاري مولـع المنكـوب=يجيني وانـا لامـن طاريـك خاويتـه