الا يلـي بجرحـي صـار ثانـي = ركز شلفـاه مـن بيـن المحانـي
اجر الصوت واشرف بالطويلـة = كمـا ذيبـن بلجـه هوذلانـي
يجر الصوت جايـع لـه ليالـي = خسير مراح فـي حسـه يعانـي
الا ياعين كفـي مـن دموعـك = سبايب شخص في ضيمه رمانـي
جسلت الصبح من بعـد الخيانـة = سهير جروح في ظهـري تعانـي
تبين من وفيـت لـه وعشقتـه = يخـون العهـد ويـا مودمانـي
تبين فالخيانـة وشـاب راسـي = بلعت الريـق ماينطـق لسانـي
احس الجوف به نـارن سعيـره = لعب وسط الضماير ثـم كوانـي
ذبحني .. من كلامه صرت اهذري = اروح اشوي وارجع فـي مكانـي
واحس الارض من حدري تدمُـر = طفت الانـوار ونهـدت مبانـي
الا ياحيلة الله كيف اسامـح ؟ ! = (( عزيز النفس مايرضى المهاني ))
اجي للنـوم وعيونـي سهيـرة = وعن نومـي سواتـه بتحدانـي
تراني في بيـاض الوجـه طالـع = ومن فعلتك جانـي مـا كفانـي
تقول شفيك صاير دوم تشتك !! = اقول انـك ماعـدت الاولانـي
جرفك الطيش لبحورن عميقـه = بحورن مارسـت فيهـا موانـي
تعذر له .. تراعي له شعوره ؟؟ ! = وعـذرك لـي مـا والله لفانـي
ابي تقعـد لحالـك بـس لحظـه = تقول الشخص هاذه كيف جاني !
ابيك تقول منهو الي وفاء لـي ؟ = وابيك تقول من خان الامانـي ؟
وابيك تقول هاذه ارخص بعمره ؟ = وباع الغير .. وارخصهم عشانـي ؟
ابـي تذكـر ليالينـا الجميـلـة = وابيك تقول ليتـه مـا نسانـي
ابي تذكر عهودك ؟ قول شنهي ؟؟ = تقول القلب مع غيـرك عصانـي
ابي يطـري عليـك اول لقانـا = يومن الشوق في نـاره حضانـي
ابي تذكر عيوني كيف كانـت ؟ = اليا منك نظـرت الهـا بحنانـي
ابيك تقول وش سوه وخنتـه ؟؟ = ياليت الله عـن فعلـي هدانـي
وابي تذكر مكان اخر تلاقـي ؟؟ = ابيك تحـن لا شفـت المكانـي
وابي تقرى قصيدن لـك كتبتـه = باحاسيـس الغـرام المرهفانـي
رعـاك الله ياعـصـر الـمـودة = اليا منـه طـرى لـي بالاغانـي
انا مليـت مـا اقـدر اوصًـف = بيبقى الجرح ولا العمر فانـي !!
.
.
.
شعر \ محمد الشتلي