ياسعود لاتنشد عن اللي له ايــام = غايب ولا يدري عن اللي تباطـاه
شف هالدفاتـر تشتكـي كثر الاقـلام = وانا اشتكـي لك من عذابـه وفرقـاه
حتى هجوسـي ماغفت عيـنه ونـام = في دفـتري بس اكتـبه وارجع اقـراه
يطري على بآلـي وتفسيره احـلام = مالـي سوا احـلامي وحـبه وطريـاه
وان عودت للي مضى لي معه عـام = ياسـعود انا بشـكي وابـذكر خطآيـاه
شف كيـف قلبي لاحضـر فـز لـه قام = شف وش كثر يقسى وانا ادور ارضاه؟
جيـته وقلبي مابـغى غيـره ودام = لجل الغلا مشتاق ماجيـت ابنسـاه
ماقـّدر اشعـوري ولا تـعَـب الاقـدام = ماقمت اميـز بيـن وجهه مع اقفـاه
لو لـي طلـب مسجـون محكوم بـ اعـدام = قالو تمنـى واطلب اللي تـمناه
ياتـتـركونـي مع من اللي لـه ( ايـام = غايـب )..او اني ودي امـوت ويــاه؟