مات الغرام وزاد حـزن الطوآريـق=واستوحشت لَبيـآت هـم وكآبـه
سالت دموع القآف زاد الصدر ضيق=ماغير اسلـي خاطـري بالكتآبـه
ياصاحبي ياغيـر كـل المخآليـق=لوقلتلـك ملتـاع ليـه الغرابـه ؟
مستغرب انه زاد جرح المعاليـق ؟=حسبي على اللي زاد فيـه التهابـه
ياصاحبي واجروح قلبي مصآفيـق=اخفي همومي عن جميـع القرابـه
ماقمت اطيق الليل وشلون اباطيق =ليل وسهر واهموم جرح وعذآبـه
اسمع كلامي ما ابي منـك تعليـق=اخذ النصآيح لك بصـدر ورحآبـه
لو البحر ياصـاح مافيـه تغريـق=بتشوف كل الناس محـدن يهآبـه
ولو الهوى ياخوك مافيـه تفريـق=محدن شكى للنآس هـم وصوآبـه
بعض الهوى يحتاجله منك تدقيـق=لاتندفع واجـروح قلبـك مصآبـه
لاتتبع المقفـي سـوات الملاحيـق=خله يروح ان كان هجـره نوابـه
مقفي عساه امقيط وابعد من اطويق=منهو يجيب الريـح صكيـت بآبـه
برجع على موضوع حزن الطوآريق=للصاحـب اللـي زاد فينـي كآبـه
هاك القصآيد كلهـا لـك مشآفيـق=صاحبك عـزم والطريـق انتهآبـه
مات الغرام وزاد في قلبي الضيـق=حبر القلم لاجـف كيـف الكتابـه؟