صحيح لـي قلبـن يحبـك و يذكـرك = وعلى عهـود الحـب ماهـوب بايـق
وان رحت ولا جيت محـدن بجابـرك = لانته علـي لايـق و لا نيـب لايـق
يامرحبـا وان جيـت بكـره بخبـرك = عـن حبـك الـي بالمعاليـق فـايـق
ولا من نويت الصد ماني محاصـرك = عساك فـي دنيـاك منـت متضايـق
تدري وش الي ما يخلينـي انكـرك ؟ = بيتـن مضيقنـي ولا نـيـب رايــق
((لا قلت ابقطع وصلك اليوم و اهجرك = يسوقنـي بكـره لذكـراك سايـق ))
والله ودي بـك و لا ودي احـقــرك = لكن ضرفـك مودعـن بـي حرايـق
و اخلفتني في حاجتن لكـن اشكـرك = رغم الضروف و رغم منتـه بطايـق
واعلم ترانـي دايـم الـدوم ناطـرك = مهمـا جنيـت امـن المحبـه حدايـق
وجيتك انا و عهـود شعـري ابشـرك = اني على و صلـك احـوف الطرايـق
و مني كلامن جاك يجبـر بخاطـرك = فكـر قبـل شمـس المفـارق توايـق
.
.
.
شعر \ محمد الشتلي