(( || ~ ولأيـــــــًــف خـــــاطـــــري ~ || ))

[محمد الشتلي]

صباح الحب .. والبلبل اليا غرد بشق النور = صباح اجمل من النرجس واجمل من كلام الشوق
هلابك .. عد ماتطري في بالي في قفا وحضور = هلا بك .. مرحبا .. وارحب واكررهاا بحسن وذوق
احبك .. والبلا ضرفك ولكني .. جسم وشعور = ابيك تراعي الخاطر وابيك تحني لي و تؤق

[محمد الشتلي]

احيان تجبرني ظروفي على البوح = ابوح في سرن له سنين مخفيه
واحيان اخفي شي مامنه مصلوح = يمكن مع الايام .. تكبر هقاوييه !

[محمد الشتلي]

تدري وش الي لاطرت غصب دنقت ؟؟ = اني ابي شين و صعبن انوله
مدامني لا خنت لا جرت لا بقت = معاد لك حقن تحرا و صوله
اقسم قسم بالله في غيبتك ضقت = و تردني نفسي عن الي بقوله .. !

[محمد الشتلي]

الله يعين الي طفش من دوامه = لا صار شهر صيام .. وارطوبه .. وحًر
الي بوسط الخد تزهاه شامه = وابو ثمانن كنها صافي الًدر
من شاف مثله ينجرح في صيامه = واستغفر الله لو بقول انه .. افطًر
مفروض مثله مايروح لدوامه = يرحم شعور الي مع دربه يمًر

[محمد الشتلي]

سجيت عني ومع ذلك تباطيتك = واحس في ضغط عالي وسط شرياني
خليت كل العرب .. جيتك على ليتك = ماغير احاتي وانا بالدرب عجلاني
لو انها في يدي ما كان خليتك = ودام انها في يدك مابيك .. تنساني
بين التفاكير ضايع لين ناديتك = عجل على الروح قبل الله يبلاني
ارتاح .. والقلب منزالك مع بيتك = تفداك كل العرب لو كان ما كاني

[محمد الشتلي]

تجهز على الفرقا وانا .. شعور ولسان = كل الحكي فالعين .. ياعين شوفي
زوله يباريني وانا .. جًد ولهان = ما اقدر اسوي شي من كثر خوفي
ان جيت اوبصف عفته وسط قيفان = تقصر ولا تحويه كل الوصوفي
انتي ذبحتي من الشرف عشر قعدان = وانا ذبحت من الطمع خمس الوفي

[محمد الشتلي]

عليك التعب مرسوم لو كان كلك ضحك = وجفنك سواده يثبت انه حقرك النوم
انا مدري انصح نفسي وإلا تبي انصحك = تدهورت بسبابك وعيًت تقوم عزوم
وانا وان نخيتك بالوصل ضقت .. ثم اجرحك = يالله تفرج ضيق بالي وانا محروم
وبس الوكاد اني ابموت ما افضحك = اببقى على عهد الهوى لو غزاني لوم

[محمد الشتلي]

جيت المكان الي بأخر لقـى فيـك = وتسابقـن عبـرات عينـي بممشـاي
هقيت بأن الي دعى الشـوق .. يدعيـك = بس اتلفت يمكـن تجيبـك اخطـاي
اروح وارجع بـس ادورك واحريـك = يمكن تمر وكل مقصـدك .. شـرأي !

[محمد الشتلي]

اقفُت .. وانا صديت معاد به علم = حتى الرسايل ماتجي من طرفهاااااا

[محمد الشتلي]

انا لي معى عيد الضحيه عهد واسرار = ضمير العتب في وقتها ماصحى .. ناامي
جميع العرب بالنوم .. وانا معه سهار = هذيك اجمل احلامي وهذيك افضل ايامي
يوم انه رحل انشد وش الي معي كد صار ؟؟ = و والله كنه حلم من جملة احلامي !
فلأ مر بي عيدن ولا شفت انا زوار = قفا العيد مع زوله يباريه .. قدامي !
وطير الغلا في ضامري ينتظر .. ثم طار = كفخ للسما بعد اختنق واسرج اوهامي
رحل مابقى لي شي منه سوئ .. تذكار = وانا في رجى هاليوم ينعاد بيامي