ياصغيـرة ياصغيـرة بـلا كلـك=ماجيتلك تكسي على حسب الطلب
أنا حبيبك جيـت أقـول إشتقتلـك=يعني إضبطي نفسك بلا قلـة أدب
وحني علي ياصغيرة قبـل أهلـك=وشموقفك لاقيل مـات ولاشـرب
من ريقك المعسول يالبى إعسلـك=ولبيه يا أنتي وشلي بلبى العـرب
فزي وقولي مرحبـا فـي مدهلـك=فزت كريمن قال تبشـر بالشبـب
وإلياسألتك طالبـك قبـل أسألـك=أبي جوابك يالغـلا تـم و وجـب
ودي أحولهـا غـزل وأغـازلـك=وأرضي غرورك قبل تبدين العتـب
ما أروعك ما ألطفك مـا أجملـك=قدام وزنك يصغر جنيـه الذهـب
ياساريـة مفعـول قبـل أفعلـك=وضعك بوسط القلب جدآ مستتـب
أسوقلك عمري وأنـا كلـي إلـك=وآقف لجل عينك قبال أطلق شنب
فإرقبتي ونذرن علي مـا أجاملـك=لاقلت أحبك مـن علـوك للكعـب
ومن كثر ما أحبك مغيـر أتخيلـك=وفي هاتفي خزنت أخوك أبو نسب
أدور السبـة علـى جيـة هلـك=وأحيان لامن ضقت جيت إبلا سبب
مستقبلـي ربطتـه إبمستقبـلـك=ياويل حالي كـان ربـي ماكتـب
إليـا تدلعتـي علـي إيحقـلـك=وإليا تكدرتـي ياعنقـود العنـب
يالعنبو حزنـك وياشيـن إزعلـك=أرضيك في وقت الرضا ولا الغضب