لي شهر أدنـات مازعلنـي = لاحداً يمزح معـي بالمـرّه
من بحاجة مـن يجاملنـي = من كرهني لايخشـه سـره
يحفظه ربـي ولايجادلنـي = مابعد حرة عشيـري حـره
موقفـه للحظـه مهوّلنـي = موقـفـا مـاهـوب لله دره
لاطرالـي كنـه يحللـنـي = من دمي كن خنجره محمره
اتصـدد عنـه ويقابلـنـي = يقتلـب بالذاكـره وآفــرّه
صاحبا عشرة عمر زاملنـي = مانقص عنـدي مقامـه ذرّه
عنه لو كل الناس لو تسألني = قلت ذخر الكايـده والمـرّه
لو تصد النـاس ماهملنـي = ضامنا خيره ووامـن شـرّه
لين باسلوب الجفاء عاملني = في ثواني كل قـدري ثـره
مير مهمـا كـان ماقللنـي = لو يغـره فالزمـن ماغـره
ان بغاني فاللـزم يزهلنـي = اخو دنيا وانفعـه ماضـره
وفالرخاء لاارتاح لايشبلنـي = في سماه وفي بحرْه وبـره
فـي عيونـي الله مجملنـي = ماتبعت لمبغضينـي جـره