حي الله اللي غيابك ماهـو أيـة غيـاب = يشابه غياب روحي بعد عمـرن طويـل
تعـال أبعلمـك وأفـل كـل الكـتـاب = من يوم حل الرحيل إليـن زل الرحيـل
طرحت عنك السؤال ولا لقيت الجـواب = يالين ظنيـت شوفـك شابـه المستحيـل
وخاويت مع حظي المقرود جورالعذاب = يالين ما أخذت عنده مركز أفضل عميـل
نزلت دمعي وأنا رجلن عزيـز الجنـاب = أذم دمع الرجـال وشـح كـف البخيـل
أبيك وإليا أنشدوني عنك بعض الشبـاب = أقول ماحرك إمن الفكـر حتـى القليـل
مجرد أيام وإن عدت يـزول الضبـاب = والموتر أول موديل إيعوضة آخر موديل
عملت نفسي ولانـي عامللـك حسـاب = وأنت الذي مايجيلك فـي غيابـك بديـل
أطردك وأنا بخيص بفود طرد السـراب = لو قلت ويش الحصيل أقول مامن حصيل
هاقيك حاجز على الرحلـة بليـا إيـاب = يعني لو يلوح برق الصيف ماشفت سيل
بس العهـود المتينـة كونتلـك زهـاب = وصاحبك حتى ولو مال الزمن مايميـل
لكن لاتنزعج لـو معـك زدت العتـاب =من حقي أشجب غيابك خل بالك طويـل
ولا أنت شايف خطا الغالين مثل الصواب =يعني تبي تقتل وتبكـي ممـات القتيـل
لكن من قبل معك أزيد حجـم الخطـاب =ماودي أطوف الفرصة معـك ياجميـل
مسامحـك وأعتبرهـا زلتـن ماتعـاب = زلـة خليـل وتقبلهـا خليـل الخلـيـل
إقرب أبشعر معاك بروعـة الإقتـراب = لابو الزعل والعتب إقرب وثر الجديـل
تو الحياة إستوت والحظ تـو إستجـاب = وإشرايك نشيلهـا مامثـل هالليـل ليـل