دن ياهاجوس والنيـه النيّـه = في قصيدة شاعرن يوم سواها
كاتبن مـن فوقهـا للأهميّـه = لو مايعني كل مخلوق معناهـا
لحدن منها يخشـه حساسيّـه = ياجماعة ناقـة الله وسقياهـا
مبتدى أحلام الرجاجيل ورديّه =ومنتهاها يكشف الوقت فحواها
بعضها يارد على حالي الميّـه = وبعضها في وصفها كنها إياها
شاعرن سوى قصيدة جفيعيّـه = لاتضايق جر صوته وغناهـا
لو يقيمها خـذت ميـه بميّـه = ولو تقيمها العرب كثرت أرياها
الله الباقـي والآنـام طرقيّـه = لو شغفها فالبقا زاد وأطغاهـا
سيرتن ماهيب سيـره نبويّـه = عرضتن للنقد بأتفه خطاياهـا
قلتها والروح دايـم رياضيّـه = والاوادم تقتنع حسب مبداهـا
نظرتي واللي تعامـل بفوقيّـه = تنزعج نفسه من أدنات ماجاها