مفارق الغالي لغاليه يوم الفراق = يومن ماينسى بتاريخ العشيق النزيه
وحفظ العهد والوعد والصبر والإشتياق = مايرجع اللي رحل لو كنت ميت عليه
أقولها وإبتدي يانقطة الإنطلاق = وأظن بإن الكلام أعلاه كله وجيه
ياللي جميعك على بعضك لذيذ المذاق = عدوك إبليس ماآمن فيه غير السفيه
إترك علي الملازيم وعلي الطلاق = مهايط الناس ماني من سلالة ذويه
السالفة ماتجاوز عن حدود النطاق = حبيت أعلمك عن صدري ومايحتويه
اللي يبيني له القلب الرهيف الرقاق = ومن لايبيني يروح ويعتبرني ماأبيه