تذكرتك البارح وضقت وبغيت أجيك = وأقول الوصل لاتقطعة وأنت خابرني
رفيق الزمان اللي مضى وإرجع إلماضيك = وجمع شريط الذكريات وتذكرني
تحصلني اللي بالإضافة لمنك وفيك = رفيقن عليك أريا العرب ماتغيرني
منزلك في منزل ولاواحد إيساويك = وأحسبنك اللي لاتضايقت قدرني
وأثرك اللي تجيبك سواليف وتوديك = مع أول مطيحي رحت مع درب هاجرني
مانب فاضي أعاتبك والأمر مايعنيك = ولاأطلب عذر منك ولاأبيك تعذرني
ترى منتب العمدة ولاأنتب جناب البيك = لاتكبر ويذبحك الغرور وتصغرني
لكن من غلا الماضي إليامن طريت أبكيك = ولو مانثرت الدمع فالدمع ينثرني
سقى الله زمانن فات قبل الزمن يغويك = يومنك إلياكبرت أمورك تشاورني
ذخرتك لمثل الموقف اللي جرالي شيك = وطلعت اللي إن شانت ظروفي تبعثرني
رح الله يسمح خطوتك والله يعافيك = وعسى الله يسامح هالزمن ليه ماأشعرني
بأن الخوي مهما حصل يمكن يخليك = مثل حضرتك يوم أشهب الوقت دهورني