16-11-2014, 02:11 AM
|
رقم المشاركة : 1
|
|
ياهاجسي راحه انتبه وضرب اليا قلت استعد
.
.
.
ياهاجسي راحه انتبه وضرب ليا قلت استعد=ودق التحية يالرجال الوافية بفعالها
ومن بعدها انظم بيوتك خلها مثل الرعد=تدوي صداها بالمعاني النادرة وجزالها
هض وتمكن ونثر الأبيات مع ضرب الزند=وثور ابارود الشعر ونظم معاها أمثالها
قال المثل مأكل من يهرب يعدونه شرد=ولا كل من يسعى لحاجه لا بغاها جالها
والذيب لامنه عوا عن حاجته لا ما برد=يقطع فياضٍ ما يفكر ويش تالي ليالها
والطير لامنه كفخ ريشه لصيده كد رصد=اسبق من البراق في خد السماء يسعالها
وانا هاجوسي لا نهمته بالمواقف يجتهد=يرقا السماء والجزله لو انها بعيده طالها
لا جيت ضايق انهمه ويقول ابشر بالسعد=ياخذ معي صوله وجوله والقوافي شالها
اسج فكري بالعناء والجفن ابطى مارقد=ودله النفس الحزينه لين أفرج حالها
مغير احاول اصنع البسمه لو اني منفرد=ولا حاول الرمش خوفي الدمعه تهل بفالها
وقول لا بد الزمن يضحك لو انه لي جحد=وسود الليالي مقفيه في شوطها وزرفالها
وانا من احفاذ الرجال اللي يصونون الوعد=اللابه اللي بالمواقف ما تخون أقوالها
سمن على كبد العدو لامن جمع جيشه وحشد=في ساعتن ربعي بها اطش الغتر وعقالها
نزحف على الطامع ولا نفكر لا زحفنا بالعدد=النار حيه والمواقف مالها الا رجالها
كد قالها قبلي القفيدي يوم في شعره قصد=نظم قوافيها وهو يطنخ على موالها
يالله ياللي مانبي غيرك من العالم مدد=انك تعاونا على اللي هقوته يرثالها
جونا على غره وجينهم على الموقف هدد=والنار من شبابها والخيل من خيالها
وانا ليامني حكيت احمي كلامي للأبد=ماحب انافق وابتسم لهل الردا وشكالها
أعز نفسي عن خبيثٍ خان ما صان العهد=وحشم لساني عن خبولٍ زاد قدمي خبالها
وقدر اهل المرجله اللي لهم صيت وسند=والا المطايه ماتساوي اهل الكرم ونعالها
التوقيع - احمد النويعم |
شاعر ولامني كتبت الشعر جبته بمتياز=منكوس مسحوبن هلالي ولعب بطرق الحدا
انا وانا احمد لادعيت الشعر جاني باهتزاز=اخضع اجنون الشعر واعطيه عازي لابدا
لعيون ريمن تلعب بقلبي كما لعب الجهاز=من حبها قلبي يرتب بالقوافي ماهدا
انقش لها فوق الصخر واغوص فبحورن غراز=واجمع لها كل الدرر وتقولي تكفه عدا
|
|
|
|