تطري قبالي علي لا من سهيت
و ان دلهت شوي شفتك بالكرى
غبت قلت انساك , لكن ما نسيت
من يبيع الحب قلي وش شرى؟؟
في سكون الصمت لا منك طريت
اتعوذ من بليس و ما جرى
ما هقيت اقسى عليك ولا قويت
لين شلفا العز تطعن من ورى
تعترف و تقول اسف ما دريت
و انت تدري بس خوفك ما درى
ما بغيت العذر لكني بغيت
شخص لا مني تضايقت انحرى
انت يا من في سما جوي ضويت
لو تغيب نجوم باقي ما سرى
كان ابلهى عن عيونك ما لهيت
دامني وياك بالوصل اخشرى
لا تغيب و غيبتك منها شكيت
دام قلبك للمفارق ما ضرى
والله اني فاقدك مهما حييت
لين ما اودّع واجي حدر الثرى
ان زعلت ارضى عليك ، ولا رضيت ..
اتناسى ما دهاك و ما جرى
*
*
*
شعر / محمد الشتلي
11/2014