البارحـه يـوم هتـان المشاعـر شمـال==استرسل القلب نبضات الحياه وسريـت
وأخذت من نفحت الواقع خيـوط الخيـال==وعطيت عمري خيالي دون ما اشعر وجيت
ومديت من جود كفـي للحبيـب الوصـال==واخذ من علومي العبره وانا ما دريـت
وتصادم الواقع القاسـي خيـال ن محـال==لين انتهى ما رسمته بالعمـر وانتهيـت
واليوم اعيش الحياه الـزام والعمـر طـال==وش يفرق الحي كانه داخل الحي ميـت
انا اشهد ان الهوى يذبـح قلـوب الرجـال==وانا اشهد ان الجفا بالحـب كالدينميـت
يا عالم الحـب لا تنفـي وجـودي تعـال==شفني تحاملت جرحي من غلاه وسليت
وشفني بكيته غلا مـدري بكيـت انفعـال==مير المهم يوم قفى عن حياتـي بكيـت
أقـوي العـزم لـو مـد الليالـي هـزال==رغم الطعون الخطيره بالهوى مستميت
والماضي اللي يذكرنـي غـلا ام الـدلال==حاولت اخليه حبـل التسليـه وابتليـت
ترى السلامه من دروب الهوى راس مـال==لو ينهدم عقب فرقا الزين للعمـر بيـت
صحيح ما قصرت بالـود بنـت الحـلال==راع الهوى يزرع اهدافه بوادن هميـت
لو النصيـب ان كتبـه الله كتبـه احتمـال==عشنا ورى الحلم واقنع مع (لعلا)و(ليت)
لكـن مـا يكتبـه ربـي عظيـم الجـلال==ما نقدر نعارض اللي يكتبه لو شكيـت
للحب طيحات واضرب لك عليهـا مثـال==ابن الملوح خذاه الحب واعطاه صيـت
عطاه صيت الهوى وانـا بعقلـي سـؤال==هل يدخل النار ؟ او انه سعيد وبخيت ؟
مـا نيـب كامـل فالله الكبـر والكـمـال==من يهلك النفس جاني يا عسى ما جنيت
نهاية الحب عصمت ملـك والحـظ مـال==والحب لعبه وكاسبها السعيـد البخيـت
وســـلامـــتـــكـــم