السلام عليكم ورحمة الله وبركاته
قصيده للتواصل ،
ماهي قصيدة خليل مفارقٍ خله
ولاهي قصيدة غزل ولا يتراوالي
انا ولد من يفك العقد ويحله
لاصارت علوم ماهوب داله وسالي
ماعنده اضحك وقزرها على الشله
وامثال ناسٍ على الدينار تصفالي
يتلتل الصعب ويخاويه ويتله
ويتعب على الغاليه للواحد الغالي
مايرتضي بحاجةٍ تأتي بعد ذله
ماجات بـ اول دعاها لاتجي تالي
ابوي جعلي فدى مايحتوي كله !
علمني الطيب بخلافي وبـ قبالي
وعلمني ان الردي مايغفر الزله
حذراك تقرب له يوريك الاهوالي
رافق من يبدّي الاحسان ويدله
وأكرم بدنياك لاتصغر ولا تبالي
واعرف سواتك وخل الحل في حله
لاتسبق العلم ، لين تشوف ياغالي
الطّيب نقدره ونجيه ونشله
ونعاونه في صعوباته ولا نبالي
ولاجتك ضيقه توض ويمتك لـ الله
الناس ماتنفعك ، والله وبـ عيالي
ماينفعك غير لا من جيت تدعله
سبحانه الي يغفر الذنب لو عالي
#مروي_القيس