25-08-2009, 05:43 PM
|
رقم المشاركة : 1
|
|
(( ديوان الشاعر : الأمير رميح بن غثيغيث )) رحمه الله
** نبذه عن الشاعر :
هو :
الأمير رميح بن خلف بن ضويحي بن رميح بن غثيغيث بن عبدالله بن فاضل
امير فخذ المساحمة من ذوي غياض من قبيلة العوازم
ولد مابين 1835م الى 1840م
وقد شارك بمعارك عديدة من اشهرها : الصبيحية
توفي بمعركة الجهراء عام 1920 رحمه الله تعالى
وقد لقب رحمه الله وغفر له بـ(راعي الوكره)
قصيدة الوكرة :
الله من طرف ٍ سهر وامرض العين=واصبح من الدمعة مراض ٍ عروقه
ولهن على اللي عن دياري بعيدين=وانا كما حـر ٍ تقصـب سبوقـه
لاناض صدره وارهشن الجناحيـن=يذكر رباط ٍ عن طريقـة يعوقـه
قعدت فالوكره بلاد آبـو عينيـن=مثل الحصان اللي تـردى علوقـه
لا ضاق صدري قمت ارم النياشين=والصيد تحـرم بندقـي ماتذوقـه
مقابل ٍ برج ٍ على مـدرج العيـن=برج ٍ طويـل ودب الايـام فوقـه
والدورق اللي فيه (..) ضعيفيـن =رجالنا يمشـي الرفـق مايسوقـه
لا واهنيّ والعمر مابـه حياتيـن =من داج في هجر لي حـل سوقـه
واشمل شمال يـم دار الخليليـن=والمال في عشب النقاير نسوقـه
واجنب جنوب يـم دار الهياتيـن=واحط المشاف وريش نصار فوقه
هجر : عاصمة الاحساء قديما \\ الخليلين : ضلعان غرب عن نقير \\ النقاير : هي نقير والنقيرة \\الهياتين : جبال في الصرار \\ المشاف وريش نصار: ضلعان موقعهن غرب هجرة نطاع
( المصدر : رميح بن هندي بن ناصر بن رميح )
التوقيع - خالد بن حطاب |
ضحكت .. فقالوا : ألا تحتشم =بكيت .. فقالوا : ألا تبتســـــمْ
بسمت .. فقالوا : يرائي بهــا =عبست .. فقالوا : بدا ما كتــمْ
صمت .. فقالوا : كَليلُ اللسان =نطقت .. فقالوا : كثير الكَــــلمْ
حلمت .. فقالوا : صنيع الجبان =ولو كان مقتدرا لأنتقــــــمْ
بسلت .. فقالوا : لطيش بـــــه =وما كان مجترئاً لو حــكمْ
يقولون : شذّ .. وإن قلــت : لا =وإمعةٍ حين وافقتهــــــــمْ
فأيقنت أني مهمـــــــا أرد =رضا الناس لابد من أن أذمْ
|
|
|
|