المحاورة الحصريه ((الحادية عشر)) لمنتدى قبيلة العوازم الرسمي
بين الشاعرين
فرحان محمد+عايض بن ودعان
فرحان محمد:
يامرحبا حشمه ومبـدا وتقديـر=في مجلسن كل النشامـا تدلـه
ياعايض الودعان فالشوط الأخير=كلن تسجل وقفتـه فـي سجلّـه
عايض بن ودعان:
فيك البقا واشغل جميع التفاكير=والمجلس المعمور ماأحد ٍ يمله
سيفي شطير ويشهدون المناعير=يفكني فـي سلتـه عنـد حلـه
فرحان محمد:
سيفك بغمده مير نحتاج تفسيـر=عن الكلام اللي صدر بالمجلة
تسوق في شوف الهلال التباشير=وهلال يوم العيد غير الأهلة
عايض بن ودعان:
السيف له ماضي وحاضر وتبرير=لاتتهم صاحبك من غيـر ادلـه
العام صاحبنا علي الشر والخير=والـيـوم لا بالله لابالله لا بالله
فرحان محمد:
صلف الهوا شال الشجر والعصافير=من عقب ما كانـت تظلـل بظلـه
بكره إليا عرضت عليك التقاريـر=يسهل عليك اللـي معنيـك حلـه
عايض بن ودعان:
لكل بيت اسلوب ثاني وتعبير=الظاهر ان الظن صار بمحلـه
عليك للهاجوس ورد ومصادير=مقسمك مني جاك والدرب دله
فرحان محمد:
أقدح بزندي ما انتظر فزعة الغير=ولا علي مـن القلـوب المغلـة
أشوم عن هرج الخنا والمحادير=يالموتر اللي بيّنت فيـك خلّـه
عايض بن ودعان:
مانيب داي مير بالوضع تغيير=واللغز حليتـه قبـل لاتحلـه
ماني علف للطير ياراعي الطير=البادي اظلم وانت زليت زلـه
فرحان محمد:
العام ما جابوا خبرك المداويـر=واليوم جيت وعذر غيبتـك فلـه
نفوس في روس الشهامة مواكير=ونفوس تخضع ضارية للمذلـة
عايض بن ودعان:
في غيبتي سببت للشعر تاثير=وغيري يغيب ولا احد ٍ فاطنله
اظن بالموضوع لفّه وتدويـر=لكن عل الهرج بالحيل علـه
فرحان محمد:
على النقا مافيه لفّه وتزويـر=جاك الكلام وباقي الهرج خلـه
على العموم الله يصبّحك بالخير=وشعيل حمله يابن ودعان شله
( تقرير عن مشاركة مخالفة ) ، و الموجودة أسفل كل مشاركة .