اشرقت شمس الفراق . ودمعة العين استباحت = وانفتح باب الحزن . والضيق صدري مايطيقه
لحظة ٍ . فيها عروق القلب بالآهات صاحت = يووم شفته عزّم الفرقا وروّح في طريقه
وابتدا ليل المواجع .. بعد ما الاسرار باحت = وانتهى عمر الفرح قدام عيني في دقيقه
ماتحمّلت الفراق . وبه يدين الشوق شاحت = لحظة افراقه احس الجوف في وسطه حريقه
ان تذكّرت الليال اللي معه بالحب راحت = اتنهّت من فراقه واشعل شموع الحقيقه
من يلوم الدمعه اللي كل ماتذكره ساحت = هكذا حال الرفيق اللي بكى صدّت رفيقه
اتّضح كل شيّ ودروبه عن دروبي تناحت = مابقى منّه سوا ذكراه . وجروح ٍ عتيقه
مات وصله .. والمحبه من عيون الحب طاحت = آه من قلبي ومن ونّاته وهمه وضيقه