كتبت له صادق شعوري . وقلته = بالشعر . وأحساسي يترجم معانيه
ماهو خيال بـ فكر راسي . عملته = سقته من الواقع . وهبّت قوافيه
كله من أسباب الغلا . اللي حملته = في خافق ٍ شاله . وضاقت محانيه
مبطي وانا في غيبته . ماشغلته = وهو على بالي . ماغابت طواريه
هذي سنه راحت وأنا . ما سئلته = ودي على أعرف ليه . ماقلت له ليه
صبرت . لكنّ الصبر ما أحتملته = ليته يجي . ويحس بـ أشواق مغليه
ما مر في دنياي يوم . وخذلته = دايم وهو في وسط قلبي . وأداريه
طاري غيابه جرح . بالقلب شلته = ماظن غيره شخص يقدر يداويه
اذا الفراق نهايته . ما قبلته = واذا المواصل نيّته . بـ أحتفل فيه