رسايلك , وأجمل حروفك = ياسيّدي , تشرح احوالك
وتبيّن الحب ، في جوفك = وتوضّح ، انك معي هالك
من غبت , ما غابت طيوفك = فـ البال من يوم ترحالك
عاذرك , ومقدّر ظروفك = لو الجفا , يقطع ارسالك
يكفيني الحب , عن شوفك = مادمت دايم , على بالك
ما ضاع جهدك , ومعروفك = هذا انت بالقلب منزالك
لا يشغلك , شكك وخوفك = وتعيش , في هم غربالك
ابنتظر , لمسة كفوفك = دامك تمنّاني , اقبالك
ما والله انساك , واعوفك = عهد ٍ عليّ , يالغلا جالك
تبقى ، وطن حب ملهوفك = عساك تبقى ، وأنا أبقى لك