مديت لك قلب .. يملاه الوله والهيام = وعملت لك شي .. غيري ماعتقد يعمله
وأعطيتك أهم مافيني .. شعور الغرام = من كل قلبي .. وانا بين الضلوع احمله
جيتك .. وانا عارف ان العمر ماله حزام = لكن بعد ماعرفتك .. صرت ما اهتم له
ضيّعت لك عمر .. راحت لك سنينه عدام = وش اجمله ؟ شفت عمري في دفاك اجمله
لا تفكّر أني بـ أخون .. ولا تشيل اهتمام = لأنك بعين مغليك .. العمر بأكمله
حتى وأنا .. كل ماتغفا عيوني وانام = ياسيّد الحلم .. من غيرك يجي الحلم له ؟
حتى لو تغيب .. أشوفك في وجيه الأنام = تنظر لي بشوق .. وتردّد لي البسمله
كنك تقول انت خايف .. لا يطول الكلام = لا يمكن أنساك .. عيش البعد وأستحمله
اصبر على رجعتي .. وآجيك لو بعد عام = حبٍ كذا لو اموت .. آموت ما اهمله
الله يطوّل بعمرك .. يارشيق القوام = اللي تبيه اعمله .. واللي أبيه أعمله