ياسارج الهجر .. من فرقاك مامن جديد = حتى أنشد الشوق .. تلقى الشوق علّ الفؤاد
انا على حطّت ايدك .. من نهار الشديد = هذاك انا ماتغيّر شي فيني .. وكاد
هذاك أنا اللي هواك .. وفي غرامك شهيد = هذاك أنا اللي .. خذك جرح وخذاك الضماد
لازلت الى الآن .. وانت إلهام شاعرك اكيد = لازلت الى الآن مضنوني .. ورب العباد
لازلت إلى الآن .. وأنت تثير ملح القصيد = تعطيني الدافع .. أشيل الورق والمداد
يكفي ماعاد آتحمّل .. وقع هجرك شديد = هذي سنة وانت بالفرقا .. بلادك بلاد
الى متى وأنت .. عن ناظر عيوني بعيد = الى متى وأنت .. لك قلب وشعورك جماد
الى متى وأنت .. ودك بالمسافه تزيد = الى متى وأنت هذا .. من بعاد لـ بعاد
يعني تشبّعت وصل .. وصار قلبك حديد = والاّ مشاعرك ماتت .. دون قصد ومراد
والاّ اعجبك طاري الفرقا .. وعايش سعيد = والاّ تملّلت .. والاّ كل هذا عناد
يكفي غياب .. أغتنم حب الخفوق الزهيد = اللي زرع حبّك بنبض .. ولقاك الحصاد
ياسارج الهجر .. هذا أنت الغرام الوحيد = اللي ربا بالمعاليق .. وتسيّد وساد
علمتني قبل لاترحل .. وانا المستفيد = إن الغلا جمرتين .. وتاليتهن رماد
وعلمتك إن الغلا بالدم .. يحيي الوريد = وإنك غلاي ونظر عيني .. ورب العباد