.
.
الشاعر : جمعان عبيد الحضينة العازمي
من فخذ الذييبات
المتوفي عام 1965م
نبذه عن الشاعر : عاش حياته بين البحر والبر وله من القصائد الكثيرة في شؤون الغوص وبحث عن
اللؤلؤ وغيرها من الامور اليومية في حياة الاجداد ويعد الشاعر جمعان الحضينه ذو قريحة شعرية جميلة .
(( الــديـوان ))
من أبياته الشاعر المعبره والتي نسدل منها عناء ومشقة الغوص أثناء موسم الغوص هي :
هني من فارق السنبوك (1)=شاف الغنم والبعاريني
تسعين ليله وانا مملوك=كني من السوق شاريني
والنوخذا حلَني بملوك=عشرج (2) من الصبح يسقيني
السنبوك = سفينة غوص
عشرج = نوع من النباتات ويستخدم للعلاج
وهذه القصيدة أثناء الغوص مع النوخذه المرحوم حمود بن قصاب الفريشي
ويسندها على صديقه المرحوم [بإذن الله ] محمد بن مطلق الشبو .
يابن شبو هالشهر ياقوَ حسبيله=حسبي على هالليالي ما يروحني
يا اصبحت عديت يومه واضبط الليله=واعد الايام والايام بذني
اذن في تالي الايام تقفيله=قبل العرب يظهرون وينتحي عني
اذن باكر أليا قفة مراحيله (1)=شدوَ خلى وجيت للمرحان يقهني..
لوّقَت بالرجم ما طالع نوازيله=يابعد ممسى مظاهيره اليا مسني
راعي جديل اشقرٍ يظهر من الشيله=من طول راسه على الامتان متثني
لو كان مجبل (2) يعرفه كان اباسيله=مير اني في حبها محدن درى عني
راع الهوى لا وطى المرحان يا ويله=يا علهٍ عقب اهلهٍ ما يسيلني
أبو جديل اشقرٍ يظهر من الشيله=متقلط ٍ قدمها وخلاف متثني
مراحيله = بعارينه
مجبل = مجبل بن سعيد بن سحلول العازمي
وله بالغوض ايضاً
نوخذه هل من جبله هلالٍ شعاني=قبل انا دالهٍ واليوم ذكر عليَه
قبل اشوف الهلال مهلمجاتٍ اعياني=ارقد الليل والعيشه وكبدي هنَيه
يوم شفته من الجبله عذابي لفاني=بين حجان مظنوني اهلالٍ حليَه
شاعني بالمحبه جاهلٍ مولعاني=تو ما هب دربه في طريج البغيَه
والله اني عليها غاديٍ مولهاني=قبل ما يوله الغالي على شوف حيَه
واحلالاه ياهرجت رهيف الثماني=والله اني ما امله كود أمل الرثيَه
جادلٍ تذبح العشاق بحلو اللساني=وان ضحك بالثنايا مكَن الرمح فيَه
لا بعاري ولا هو من كبار المثاني=حشو الاسلاب ما غيره لقلبي بغيَه
ما تبدل بغيره كان هو ما نساني=دام ما شاب راسي والليالي بقيَه
والله انه عديل الروح والعمر فاني=دام ما شام عني والليالي مديَه
وهذه الابيات اثناء الغوص ويسندها على صديقه محمد بن دلوم الرشيدي
عزي لحالي يابن دلوم=عزي لحالك وعزي لي
تسعين مثقال تعطي القوم=عيَت تسد المواكيلي (1)
انجاهد الغوص مثل الروم=أيضا ولا من محاصيلي
المواكيلي = الزاد
ركب الشاعر جمعان الحضينه غيصا مع النوخذه المشهور عوض خضير الهاجري لعده مواسم غوص متتاليه وذلك في الاربعينيات من القرن الماضي ,وفي احدى السنوات لم يركب معهم بعد ان اضمحل الغوص وقل في الكويت .
وارسل قصيده الى زملائه البحاره قائلاً :
ياراكبٍ بومٍ وسيع البناديل=سمح الدقاله يسبق الطايراتي
سلم عليهم وسط دول وغرابيل=وحنا بوسط بيوتٍ ومظللاتي
الرزق بيد الله منشي المخاييل=مخضر رياضٍ من قبل ممحلاتي
تعطي متاع من حساب الجماجيل=معوشةٍ ما من وراها غناتي
كتبت شاعرنا جمعان هذه القصيده حين لم يركب الغوص مع أصحابه فأرسل هذه القصيدة الى صديقه حمود الهقلي
مع شوعي النوخذه عوض الهاجري يسأل عن عبيد راشد اللميع .
ياحمود يا ويش حال عبيد=شريكه الربع وشلونه
صار العوض عقب فالح زيد (1)=حضر وعيوا يعزونه
خذ ابو عبود (2) عنه بعيد=حتى الوحش ينقطع دونه
رفيقكم لو يكون زهيد=لا تحط الاجناب من دونه
زيد = زيد الحساوي احد بحارة النوخذة عوض
ابو عبود = فالح علي حزام الميع
فرد عليه النوخذه عوض الهاجري بعد ان سمع أبياته بهذه الابيات قائلاً
جمعان يومك سألت عبيد=بخير وانتم تشوفونه
مع نشاما بحروة القيد=ل سوَو الشام (1) يدعونه
مهوب في مسلكه بوحيد=مع نشاما يحشمونه
الشام = الوجبة القليلة التي تقدم للنخبة بالسفينة .
يابن شبو كل ربعي غير واحد قــوم = الكل منهم يقول اقربلي الخـــونه
يابن شبو ماعلى راعي الهوى ملزوم = يمشي على كيف وده ما يردونه
لا شام عني ربيع القلب عنه اشــوم = والله لحط العدام الشهب من دونه
وليا صفت عشرته مالي بغيره دوم = حـتيش لو عرضـتلي كل مزيونه
يالله ياعالم بامورن خـــــــفـــــــــيه = يارافع الرايات رب العبـــادي
تفرج لمن كنه بنارن قــــــــــــــويه= والا على جمرٍ يكـره استادي
من يوم قالوا حملوا تانـــكـــــــــــيه = والصبح تحميل الحبال الجدادي
واليوم الاخر منتوينٍ بـــــــــنــــيه = هير (1) النواسع مقتفين النوادي
لا وهني اللي قعد واهــــنــــــيه = متكيفٍ لـــه في ظــلال وبــرادي
ماغاص هير مع العرب خانــجـيه = ولا قضبوه من الحبال الحدادي
ياليتني عانقت راع المــــــــطــــيه = اللي حدر قبل امس من البلادي
علق خروجه فوق شقحن هــــــديه = وأركب ومنسوعة جديله تقـــادي
راعي قرونن لييتن فـــــــوق ليه = شقرن بتاليهن ترد بســــــوادي
هير = منطقه يوجد بها المحار
لابد من يومٍ يضيع الحسابي = من قل ما باقٍ ومن كثر ما راح
سقوا اليا جينا رهيف العذابي = ينساح انا بالي وخاطرك ينســـــــاح
اتلى العهد به يوم دنى الركابي = متنحرن وسميةٍ سيلها طــــــــاح
من دونها يزمي غويط السرابي = الصاحب اللي ريحته عنبرن فـاح
وجدي عليها وجد من له ربابي = فــي بوم سفارن تقفته الاريـــــاح
في دورة الدالوب قص الخرابي = فـي ليل غدرا واول النور مانباح
اصبح شلاميته تطافح خرابـي = جزواه فوق الموج موتٍ وطفاح
وهذي ابيات قالها حين تركه حفيده عبيد الذي يساعده على رعي حلاله
ولما أطال ذهابه الى صاحبه صالح انشد شاعرنا جمعان الحضينه هذي القصيده يشكو من ضعف البصر
قعدت وابطا علي عــــبيد = نـحر صويلح وخــــــلاني
والشوف عيا يروح بعيد = وأزريت لا شوف طـلياني
ياليت شوفي يجي جــديد = والشـوف الاول يجي ثاني
كان باجر لقطوَ فقع النباتي = وانت في مهنتك وتعود عليه
ياسوات الشر والله ياسواتي = عند باجه (1) دوم ويقدم عليه
ان سلمنا من صواديف المماتي = لنهزم عن كشرته ومعاونيه
لنهزم في دشتن تطرخ عباتي = لين افكر يافليح بالرعيه
مير لا فنشت لا اتسوي سواتي = يازبون الحرب ياعين الخويه
صابرن في مهنتي دون شهواتي = والطمع ملعون والحسبه قويه
يافليح لا تولع فالبناتي = لين توفي عن سعد دين المطيه
باجه = موظف شركة النفط ويكون عنده التحضير
ياعبيد يابوك ماجا فيك ما جاني = تضحك ليامن اقرقعلك ابلعبوبه
وانا ليا شفت ناب الردف زعلاني = غديت مثل الهبيل اللي فرا ثوبه
على عيون العرب لا مر قوماني = لا اكز يمه واهو ماكز مندوبه
ديـوان الـشاعـر : جمعان عبيد الحضينة ... [ رحمه الله ]
( تقرير عن مشاركة مخالفة ) ، و الموجودة أسفل كل مشاركة .