على شط البحر وقفت ادور فيك ماقوله &&& رجع موج البحر واخرج من اعماق البحر دانه
وقال تشوف هذي وصفها لا يمكن تطوله&&& ومهما قلت يا مجحود ماظني لها خانه
كتب قبلك كثير وكل شاعر صب معسوله&&& احد يكتب واحد شال الكتاب ورتب الحانه
ولا كفوا ولا وفوا يا طول الدرب يا طوله &&& على الشاعر وحرفه والشعر والقاف واوزانه
احد قال انها ذاك الغزال اللي فرد طوله &&& على روضن تحوفه من علاوي الدرب وديانه
واحد قال انها بنتن تخلي الناس مذهوله &&& حلاها من يناظر به سجد لله سبحانه
واحد قال انها ام بحنان الكون مشموله &&& تكفكف دمعة الطفل الصغير وتمسح احزانه
واحد قال انها ديره واحد قال انها دوله&&& واحد قال انها رمز الكرم والمجد واركانه
واحد واحد واحد واحد وكلن ضاعت احلوله &&& بغى يرسم عناوين القصيد وضاع عنوانه
نهايتها تكسر كل حرف وطاح من طوله &&& وترجل من ظهر خيل القصيد وسلم اعنانه
عرفتوا من هي اللي بعثرت كل اللي باقوله؟&& هذي كويت الصباح اشلون اوصفها وهي دانه
سلام الله على الحاكم وشعبن واقفن حوله &&& سلام الله سلام الله سلامن علي ن شانه
وعسى الله يعيد الاعياد على ديرتنا على الدوم وعلى حكامنا وعلى حكومتنا والشعب
ولا هانت حبارة ابوها على هالبادره الطيبه وتحياتي لجميع من شارك