لافي الجبيهه : يقول ابن غياض لافي مثايل

[heya0hay]

بسم الله الرحمن الرحيم

حبيت ان اضع هذه القصيدة التاريخية , والتي نعلم انها للشاعر لافي الجبيهه رحمه الله تعالى

وقرأت للاخونا الباحث الملهم بمنتدى ملتقى القبائل العربية تعليق جميل على هذه القصيدة

فحبيت ان انقله هنا:

هذه القصيدة للشاعر التاريخي لافي الجبيهه العازمي رحمه الله حيث قال القصيدة بعد حدور قبيلة العوازم من نجد والحجاز
ويذكر بها المعارك والبطولات التي سطرها التاريخ والتي سطرها أبناء القبيلة بأفعالهم الشامخة كالجبال ويذكر بها الأعداء
بقوة وسطوة قبيلته التي كانت بالأمس القريب باسطة نفوذها على عالية الحجاز ونجد والتي عاصر الشاعر كل تلك الأحداث
حيث أنه من جيل الأمير جبر بن جامع الذي عاش 72عاما تقريبا من ( 1630م - 1702م ) وهو تاريخ مقارب وليس مؤكد
فيقول شاعرنا :

يقول ابن غياض لافي مثايل =من شاعر يلعب بيوتن فصايح
حنا العوازم وهوازن اصلنا =لاعدت اصول الجدود الصحايح
حنا حميناها من الهضب الأحمر =لي خشم مبهل لي العد مطوي الصفايح
بفتيل أفرنج وسيف وشلفا =مضرابهن من أحمر الدم سايح
مرباعنا بين المدينة وصبحا=وياما رعينا عشب ذيك البطايح
ياما حفرنا بنجد من زين عقلة =يجي جمها من مفرق الضلع فايح
وياما وسمنا بنجد من زين بكرة=تجيبها الأنظا والوجيه الفلايح
وياما ذبحنا بنجد من شيخ سربه=إليا انقطع دخانها شيف طايح
وياما ذبحنا بنجد من شيخ غلمة=عليه بيضه علقن النوايح
والضد ناخذ بالمرابيع شاته =ونحطها لجبر بن جامع ذبايح
وجانا السويطي يطلب الصلح منا =ونعطيه مشعاب ورا البيت طايح
وجانا الشريف اللي كسرنا جموعه =واقفى وفي جمعه كثير الجرايح
وآخير منها نزلة النير ناعم =وحلالنا يرعى بكل اللوايح
ترعى بها قطعانا مايهمها =بين الشيوخ مدورين المدايح
ترعى طنف عشبة إذا لاح برقه=وحنا لها وإن صاح بالجو صايح
وعقبه تحدرنا برأي شيخنا =من شف زينات البكار اللقايح
كل القبايل عارفين فعولنا=إليا جا نهار فيه كسب وربايح

معاني بعض المفردات:
السويطي : ابن سويط أمير قبيلة الظفير
الفتيل : نوع من البنادق القديمة
الشلفا : الرمح القصير
صبحا : جبل بالحجاز يقع في وطن العوازم القديم والتي أتت منه عزوة العوازم ، حيث يقولون خيال الصبحا عطوي.
الأنظا : الجيش من الإبل يستعد بها للحرب، وفي اللغة الهزيل.
شيخ سربة : قائد الجيش .
شيخ غلمة : سيد القوم .
بيضه : أي نسائه وحلائلة.
طنف عشبة: أي زهره




انتهى كلامه جزاه الله خير


وانا قد سمعت مثل هذا النص من رجال ثقات اوردت اسمائهم لدى مدير الموقع
لان القصيدة تعرضت للعبث فاتمنى حفظ التاريخ كما ورد لنا وان ياخذوا كلام باحث القبيلة الاخ الملهم اعلاه خير دليل على حفظ القصيده

والله من وراء القصد

[فهد الجلاوي]

السلام عليكم ورحمة الله وبركاته ///

سمعت هذه القصيده في شريط ولاكنهــا تختلف في بعض الابيات ويوجد بها ابيات لا اعرف هل هي صحيحه ام لا فأرجو من الباحثين ان يرسلو الي بالخاص لأكتب لهم بعض الابيات

وشكرا

[heya0hay]

الجلاوي هذي القصيدة الاكيدة والي بالاشرطه في من الخطا الي مايعلمبه الا ربك
شكرا لمشاركتك

[عبدالله مشعل الصواغ]

صح لسان لافي

ومشكورر على النقل

[عذبني غلاك]

لاهنت ،، علي النقل وتسلم يمينك تقبل مروري اخوك عذبني غلاك

[ضيف الله الجويسري]

تسلم يمينك يبن العم على القصيدة انا سمعتها في البلوتوث فيها تحريف واضح لعنت الله على من حرف القصيدة ومشكوووووووووووووووووور ويعطيك الف عافيه

[فيصل المسحمي]

يعطيك العافية ومشكور على النقل

[محمد راشد الصقلاوي]

يعطيك العافية ومشكور على النقل

[فالح بن خليفه]

صح لسانك ولسان شاعرها
ولاهنت على نقلها
ولكن .................................................. .... عندى ملاحظه
القصيده بيوتها خطا وخطا كبير والله انا القصيده الى اعرفها فيها الشريف مطير ولكن اذا ماتكتب الصحيح بلقصيده انا ارجوا من المراقبين حذف القصيده لانها مو هى القصيده الى قالها الشاعر اما تذكر كل البيوت ولا تكتبها
والكلام هذا مو لك انت انا اقول حق اى واحد بلمنتدا لانه هذى تنفعنه اكثر من لا ضرنا وليتك فهمتنى وصلت اليك المعلومه والله مافيه شى بس ليش التعديل مانى عارف واذا عند وجهت نظر انت ولا غيرك بلمنتدا ارجوا الرساله خاصه لكى ارد عليك
وشكرا وتقبل مرورى

[خالد فلاح الشمالي]

الله لايهينك على النقل