شكرا للاخ الكبير النوماس على ذكرك هذه القصيده الرائعه واود ان اقول بان هذه القصيده ليست من القصائد العاديه بل من دررالقصيد لمن يعرف ويتمعن في كلمات وابيات هذه القصيده . وهنا اريد ان اذكر موقف للشاعر حليوان بن مديعج بمناسبه هذه القصيده .
خطرحليوان على واحد من سبيع وحليوان طرقي قلط عند السبيعي وهبهب ريحه والسبيعي مايعرفه بس يدري انه عازمي عقب ماتقهوه وقعدوا يسولفون بعدها قلط السبيعي العشا وتعشوا وبعد العشا قال السبيعي لحليوان (وهو مايدري انه حليوان) ياضيف الرحمن علما قصيد العوازم بالحرب فرد عليه قال والله يااللحيه الغانمه انا ماني شاعر ولا اقضب اللعب فلزم السبيعي عليه لازم تعلمني لو قصيده من قصيد العوازم بالحرب قاله حليوان (وجب تم) وقاله هذه القصيده اللي ذكرتها يالنوماس حريم السبيعي يسمعن حليوان وهو يهل القصيده ويبكن والسبيعي يبكي وتطيح فيهن الساحه اللي فالبيت ويبكن من شده التاثر بمعاني هذه القصيده.
على فكره القصيده ناقصه ابيات واجد ان شاءالله اقولها في مشاركه ثانيه.
وسلامتك يالنوماس