هلالية فخر بتاريخ قبيلة العوازم ""جديدة""

[محمد الرميـح]

السلام عليكم

.

.

سبحانه اللي للخلايق رقيبها = كاتب عمايلها ومحصي دبيبها
الشمس بامره تستقر بمحلها = ومن بعد مشرقها تجي من مغيبها
باسمه بديت وثم اصلي على النبي = عداد همال ٍ يجي من سحيبها
وعداد ما نجمه بليل ٍ تشعشعت = هاد ِ العباد لما يقوله حسيبها
من بعدها حييت يالافي ٍ لفى = هدّأ ضلوعٍ مايهاود قنيبها
اقدع لاجل فنجال ٍ اشقر نقدمه = من دلة الرسلان حلو ٍ صبيبها
يستاهله شرواك لاانفل حاجبك = تسوى الذهب عندي وتسوى زهيبها
أسمع علوم عن سنين تتابعت= أقفت وحنا بالزمن نهتديبها
أحداثها عزم الرجاجيل والوفا= وعز النفوس مع الشجاعه وطيبها
قال بجوابه من تحدر على النقاء = حيثه لفا لبلاد كنه قريبها
قل للحجوري من فزعلك وسرتك = فزعاته اللي في كلامك طريبها
إلا وابن زامل على ثاج حشدت = جمعه وقبله باللهابه نصيبها
من جا لفا لبلاده اللي عرفته = شرق ٍ من الصمان مشمل شعيبها
والا الشريف بنجد عقب الزويملي = عود وجمعه مايلحق طبيبها
وفي ملهم اللي واضحات ٍمعالمه = معارك ٍ شابت ولا افنت حريبها
نجد العذيه تعرف اللي مشابها = وسمدان يشهد من بقا من عريبها
تسرح بها ذيدان ربعي ولابتي= ومن نجد جبله مشعلينن شبيبها
وبحيلة الاشراف الفت مشّرقه= طاعوا ابن جامع وغطوا قليبها
يوم حدروا منه القبايل تزحزحت = تعرف نشايب لابتي في عصيبها
وفي ثاج وايضا بالنقاير تمركزوا = وفالسوده اللي لادعتنا نجيبها
وترى الله ناصرنا وحنا نوحده = وحوادث ٍ تطوى وكلن دريبها
وفالدسمه عقبه آلعقيد آبوزهره = ذبح ومكاسيبه لفت لطليبها
ويوم على راس العرافه ومن معه = الشيخ ذبحاته لنا ونحريبها
وكون الصبيحيه وفي ملح مثله = ومن بينهم كون الطريفه تجيبها
وكون الصريف وفي لبن والجنازه = يوم يغزي التمياط وادمى صويبها
وفمريخ وبكون النقيره وفي رضا = ومدباج يومه بالمثومن رميبها
وقبله فابوخرجين ردوا عوايده = وعقبه بكون نقير قـّفا حريبها
الله نصرنا بامره الواحد الصمد =نذكر عطايا ربنا مانعيبها
قويعٍ وغياضٍ هم عيال عازم = من عامر ٍ من صعصعه هم نجيبها
من بكر هم ترثة هوازن ومابعد =من قيس بن عيلان حكمه رضيبها
وهذي السلالة من مضر يامحمد = من معد ابن عدنان وارث لبيبها
هذا وصلى الله على سيد الملا = هاد العباد لما يقوله رقيبها

لــ محمد بن رميح

[طلال بن الرشيدية]

الله الله يا سلام

هلاليه ولا اروع صح السان شاعرها وصح السانك يالرميح ولا هنت على النقل

تحياتي لك

[سعد الصفينان]

الله الله

صح السااانك مليوووون يا بو رميح

جزله من راس جزل

زين اللي طلع منك شي

والله اني اتحرا جديدك من زمان

لاتبخل علينا يا الامير


ولله درك على هذه الرااائعه

ولافض فووك

[فهد الجلاوي]

مراقبنا / الرميـــح

صح الله لســـانك على ماكتبت انا اشهد انها جزلــــه

تقبل مروري

اخوكـ / فهد الجلاوي

[ناجي]

ياسلام عليك يابو رميح

صح لسانك وبيض الله وجهك على القصيدة الهلالية الوافيه وعلى الرواية التاريخية التي تبين بعض

المعاركة الهامة لقبيلة العوازم مع الربط التاريخي الجغرافية الجيد

ودي استطرد في التعليق على هذا النص الشعري المتميز ولكن مثلك من يقدر المشاغل وتقبل تحياتي وشكري

ابو سيف

[احمد بن سعد الصعفاك]

ياسلااااااااام

قصيدة وافيه من رجال وافي

وصف موجز عن تاريخ القبيلة الزاخر بالامجاد

لاكنه وصف وحبكه شعريه رائعه لااحداث لن ينساها التاريخ

جزل يابو رميح

صح لساانك والله لايهينك على هالمليانه

[محمد الرميـح]

اقتباس: المشاركة الأصلية كتبت بواسطة طلال بن الرشيدية    الله الله يا سلام هلاليه ولا اروع صح السان شاعرها وصح السانك يالرميح ولا هنت على النقل تحياتي لك

صح ابدنك حياك الله ياطلال والقصيده لي طال عمرك

واسعدني مرورك

[Al-Wafi 1]

ابو رميح صح لسانك على القصيدة الوافي

الله يعطيك العافيه

[وسمي العبيان]

الله عليك يا محمد

وصح السانك مليون

قصيده وافيه من انسان وافى

تقبل سلامي

[فهد مناور]

الاخ العزيز : محمد الرميح

بيض الله وجهك وكفيت ووفيت قصيدة ستبقى لسنوات طويله يقتدى بها

لما فيها من احداث مهمّه لمعارك قبيلة العوازم وايضا للمكان وللسلاله

وانت ذو اخلاق عاليه ولا تتفوّه بغير دليل وعلى ذلك ستبقى القصيدة لمدى طويل

صح السانك يالأمير والله لايهينك