31-10-2011, 03:47 AM
|
رقم المشاركة : 1
|
|
,,,,,,,((وقت الرخا لامن بغيتك لقيتك)),,,,,,,
.
.
.
لاتعتذر مافيه داعي فديتك=توك تدارك الغلط عقب ماخطيت
ياما غلطت وللأسف ماجفيتك=احبس شعوري عنك كن ماتاذيت
وكم مرتن عن عادتك ذي نهيتك=احسبك تفهم مقصدي لين مليت
حاولت فيك وللأسف ماهقيتك=تجرح شعور اللي لك بداخله بيت
غالي ولو تطلب عيوني عطيتك=حالي ومالي لك لو ايش سويت
ليتك حفظت اللي عطيتك ياليتك=احساس قلبي يوم في وعده اوفيت
عزالله اني بالمحبه ابتليتك=اخلصت لك واثريني بالحب دجيت
قمت اتغلا يوم بعت وشريتك=غرك جمالك لين شفتك تماديت
تقطع وترجع كني لعبه ببيتك=اتغيب فتره وترجع تقول حنيت
كم ليلتن من ضيق صدري بكيتك=وكم ليلتن من ظلمت الصد ونيت
وقت الرخا لامن بغيتك لقيتك=وقت الشدايد لابغيناك صديت
انا اعترف لك اني والله هويتك=لاكن ماوالله بقربك تهنيت
لو جيتني كلك من اقصاك جيتك=ولو رحت عني ماني من بعدكم ميت
مافيه داعي تعتذر لي نسيتك=ماعاد تفرق عندي ان رحت او جيت
صفحه ومرت في حياتي طويتك=اضحك اذا مرات في بالي مريت
ابشرك من صم قلبي محيتك=ماهمني وصلك مدام انت قفيت
.
.
.
التوقيع - احمد النويعم |
شاعر ولامني كتبت الشعر جبته بمتياز=منكوس مسحوبن هلالي ولعب بطرق الحدا
انا وانا احمد لادعيت الشعر جاني باهتزاز=اخضع اجنون الشعر واعطيه عازي لابدا
لعيون ريمن تلعب بقلبي كما لعب الجهاز=من حبها قلبي يرتب بالقوافي ماهدا
انقش لها فوق الصخر واغوص فبحورن غراز=واجمع لها كل الدرر وتقولي تكفه عدا
|
|
|
|