.
.
.
الله من قلبن زهت فيه الأوهام=لاسدل سواد الليل هاج بظلامه
قلبن عليلن العبت فيه الأيام=حتا الفرحه من دنيت الهم صامه
اتلوعه الدنيا وهو ممتلي الأم=وزداد من جور الليالي هيامه
كنه من الضيقه قضب بالعنا زام=لاسترجع الذكره بنوح الحمامه
حظه معوكس بالزمن مابعد قام=جرا الزمن لكنه ضيع نظامه
صابر على المقسوم لو العناء دام=مابيح المكنون ورخا حزامه
هذا وهو هيم مع جال الأحلام=بناء من الأحلام احلا ابتسامه
يقوله اللي من عناء الوقت مانام=جفنه سواد الليل حارب منامه
سبت وليفن خافقي فيه منضام=يهيج قلبي لا تذكر كلامه
غرون رسا بالقلب من عدت اعوام=متمركزن حبه رفيعن مقامه
مافيه مثله لاحشا مع هل الشام=حسن وجمال وتحت شفته شامه
خصره نحيفن كن رابطه بحزام=كن الدلع والزين بيديه رامه
عقبه وقلبي من الفرح كتم وصام=كن الفرح اعلن لقلبي خصامه
رفرف بجو الحزن ومن ضيقته حام=قفا ونور الوصل أمحا حترامه
هذا جدا قلبن يعبر بالأقلام=ابدع من الأحزان رمز وعلامه
.
.