.
.
هاض الخفوق اللي له ايام مزعوج=وابدع قوافي الشعر من بعد سجه
لاحت ابروقه ولتطم عنده الموج=وشاشت عزومه بين صجه ولجه
هاج وتمكن وتسع عنده الفوج=وجوه صفا من بعد ماكان عجه
انتج من الأحزان ابيات وبروج=وبيح همومه دون آيات ضحه
سر ياقلم واكتب من الفكر منتوج=ابيات عندي مالها اليوم حجه
ارسل على اللي بيني وبينه اهروج=الصاحب اللي مارتخى يوم سرجه
الصاحب اللي خوته خوت ادعوج=قرمن على الجزلات ثابت بنهجه
قله خويك العنا بخافقه يلوج=وجور الزمن قلبه من الهم رجه
عشعش عنا الايام بضلوعه العوج=وضعه تخربط وصبح اليوم دجه
سبت وليفن حبه بخافقي يدوج=لامن طرالي صار للقلب صجه
غرون حسين الطول في مشيه اغنوج=ابو الدلع اللي به العين غنجه
قفا وباب الوصل محكم ومزلوج=ودموع عيني منه بالخد عرجه
بعده وانا من فكر الأوهام مرجوج=ضاقت ولا عينت للحال فجه
شكواي للي عنده الضيق مفروج=الواحد اللي نجتمعله بحجه
هذا سبب ماجاك ولا لي به اخروج=احساس قلبن هاض وابدع بهرجه
.
.