يقولون لي ضاقت على الآدمـي دنيـاه=تعوّذ من ابليـس الرجيـم وذكـر ربّـه
وقرى ما تيسّر من كتـاب الله ابنجـواه=وطفت ناره اللي داخـل الـروح مشتبّـه
وانا يا رحيم الخلق عبد ٍ رفـع شكـواه=اليك .. وطلبتك تبري الهـم يـا طبّـه
هموم الزمان اللي يصب العنـا مجـراه=شربنا مواجيعه غصـب والضمـا سبّـه
نشوف الخطـا قدامنـا لا رحـم مجنـاه=ولا نعرف الا الصمت وافواهنا .. صبّه !
نكف ألسنتنا عن هاك الحق مـا قلنـاه=نخاف الغرق من راعي الضيـم بالغبّـه
عجب يا زمنّا ما بقى شـي مـا شفنـاه=رضينا ضعيف النفس بالحال يلعـب بـه
علينا الصبر يوم الصبر واضح ٍ مبـداه=يجي عقبـه التفريـج بالضيـق ونكبّـه
على طاري التفريج عقب الصبر نلقـاه=أشوف الوصل ما هب نسناسـه بهبّـه
مع الغالي اللي بالزعـل كمّلـه ممشـاه=يسوّي من الحبه علي ْ لا زعـل قبّـه !
مصيبه يعرف ان الزعل بيننا ما اقـواه=أذوب بغرامـه ذوب واغليـه وآحـبّـه
والا ليته يوجّب خفوق ٍ عجـز ينسـاه=والاسلام يدمح كـل مـا طـاف ويجبّـه
وانا ما بغيت الا الرضا باولـه واقصـاه=مدام الوصل ينهي شقا الـروح ويذبّـه
وهي عـادة ٍ بالآدمـي لا ذكـر بلـواه=تعوّذ من ابليس الرجيـم وذكـر ربّـه !