البارحه من ذكرتك ماني بطيب=ماغير اهوجس واقول شلون ينساني !
ومن دون مااشعر سريت وكني مغيب=عنيت يمك .. تقول القلب مشاني
منته بحولي ولا حول الهوى .. طيب=بقول واللي بقلبي قاله لساني
مانيب جاحد هواك ولاني مسيب=ماضيك هاللي مخاشرني بشرياني !
اي والله اني عليك اشتقت يا حبيب=شوق ٍ جرفني اليك وجيت لك عاني
قمت اتذكر زماني يومك قريب=عندي ولا يلحقك شك ٍ وحقراني
ايام كان الوفا للعاذل مخيب=ما هز شعر الغرام اللي تملاني
اضحك على الحاسد اليا قال واعيب=مسكين محروق دمه .. ويتحداني !
يا كثر ما كنت اغني فيك واهيب=كم شاعر ٍ ما قوى فني وقيفاني
قد قالوا الشعر قبلي ناس ٍ تشيب=روس الاوادم وانا ما في نقصاني
لا شك قلت الشعر والخافق صويّب=قلته وانا ميت ٍ بك لكن احياني
والحين برجع على بيتي وانا طيب=وابشرك باقي ٍ ذكرك على لساني !
.