( تدرين وأدري.. بنفترق ! )
.
.
.
اكـذب عليـك ان قلـت فرقـاك عـادي = واكذب عليك ان قلـت قاسـي ولا لنـت
لا والله إلا زاد عـقـبـك هَــجــادي = هان السهر .. والصبر .. بس انت ماهنت
تدري وش اللـي حالنـي عـن رقـادي؟ = انـك وفيـت ايـام حـبـك ولا خـنـت
كانـت علـى لمسـك تمـوت الايـادي = وكنت اقرب العالم وياشينهـا ..(كنـت)!
وكانـوا يحسدونـي علـيـك العـبـادي = وانا اشهـد انـك وقتهـا للهوى صنـت
وكـنّـا ليامـنّـا سمعـنـا (عـبـادي) = (تدريـن وادري بنفتـرق) .تنفعل..انـت
وهالحين (قلبـي يحتـرق) يـا مـرادي = لكـن بحكـم الله ومـا قّــدر آمـنـت
شربت من ثـدي الصبـر فـي مهـادي = وعلى الهموم وضيقـة الخاطـر ادمنـت
مآخـذ علـى نفسـي حقـوق ومبـادي = وعاهدت دمعي مـا يحـدّر علـى بنـت
لكـن عصانـي دمـعـي الــلآ إرادي = وما قول غير احسنت . احسنت . احسنت
; ;
سالم حمد الملعبي