ديواني الشعري

[عبدالله الهران]

قصيدة موجهة للأخ الفاضل : فهيد بن سمير البريكي العازمي

يالله ياللي تملك النفس

يالله يالي تملك النفس والروح = يا واحدٍ كل الملا في يدينه

يا مراقبٍ خلقه بوديان وسفوح = ويا رازقٍ حوت البحر في غبينه

تعزنا وتشفي لنا كل مطروح = يا منجي نوح بوسط السفينه

وقتٍ تولجني وأنا منه مجروح = يا ما تولجني بعسرٍ ولينا

يالله عسا فهيد بسروح ومروح = ياخذ ويعطي ما توقف يمينه

يكسب جميل الطيب فبراج وسطوح = يومٍ تصلفق بالرخا والغبينه

ويعزه القادر على خير ممنوح = ويجنبه شر الردى والمهينه

والا الردي مذموم ولاهوب مسموح = علامة المذموم وفعله يبينه

تراي صقارٍ ولاني بممدوح = أصيد صيدي واخذه بالسكينه

وأنا أعرف العاقل ولاني بمشفوح = درب المراجل صاحبه مانهينه

وعرف ترى دنياك بمدوح وقدوح = تاخذ وتعطي بهواها تشينه

والعاقل اللي يكسب الزين باللوح = وترى الرجل في ماسط العقل زينه

الكاتب
عبدالله الهران

[عبدالله الهران]

هذه القصيدة موجه : للشيخ الفاضل مزكي المصبح

جتك القوافي يامزكي

جتك القوافي يامزكي بتدبير = رمز المحبه داخل القـــــلب وافـــــي

لك عندنا في القلب حشمه وتقدير = منزلك عندي عاليٍ يالســــــنافي

جاكم ترى منا بالأشعار تعبير = يامرحباً باللي له القلب صــــــــــافي

انتم لنا رمزٍ بوسط المناعيير = في منزلٍ مثل القمر مهو خـــــــــافي

ارسلت لك ياشيخ ما في التعابير = وابديت لك مافي الضماير ومافي

يالله عسا يكفيك شر المقادير = ويعـــــــــزك الرحمن تاخـــــذ وتافي

وبالجنة العليا تيسر تياسير = ينزلك ربــــــــي بالهنا والعـــــــــوافي

سبحان منهو صور الكون تصوير = عدل وسوى كل شيىٍ نصـــافي

دنياً تقلب ما تجي بالمعايير = مره دبور ومــــــــرةٍ بإنتكـــــــــــــافي

وصلاة ربي عد حرفٍ ابتكبير = على النبي الهاشمي خــــــير لافي

الكاتب
عبدالله الهران

[عبدالله الهران]

هذه القصيدة موجه للشاعر : عايض ابن ودعان العازمي

أبدي سلامي

ابدي سلامي بـــالـــمـــعــــزه ومـــــــبـــــــداه = لــلــشـــاعـــر الـــــلـــــي بــالــمــعــالـــي رصـــــيــــــده

عــايـــض ابـــــن ودعـــــان يـاطــيــب مــجــنــاه = فــــي نــزلــة الـمـيــدان مــحــد (ن) يـصــيــده

اللي اليا دار الــــرحــــى بــــــــن تــــرجـــــاه = فــــــي ســـاحـــة الــمــيـــدان يـــطــــرد ضـــديــــده

امردد الجدين للطيب مـــــلـــــفـــــاه = رزقٍ مـــــــــــــن الــــــوالـــــــي وهـــــــــــــذي اكـــــــيـــــــده

يالله عسا ربــــــي إلـــــــى الـــحــــق يـــقــــداه = الـــشـــاعـــر الــــلـــــي دوم جــــــــــزلٍ قـــصـــيــــده

ياعايض الدنيا مثل بــــيــــر ورشـــــــــاه = ذقـــــنـــــا مــــــــــن الـــدنـــيــــا اســــــــــرور ونـــكـــيــــده

ساعة تــــــوردنـــــــا وســــــاعـــــــه امــــــهـــــــاداه = وكـــلٍ عــلــى مــــا قــيــل يـحـصــد حـصـيــده

ارسلت لك قافٍ على الصيت صغناه =أمرتب مـــــعـــــنــــــاه ومـــــثـــــلــــــك نـــــشـــــيــــــده

الكاتب
عبدالله الهران

[عبدالله الهران]

عل تنال اعجابكم وتليق بالباحث عبدالله الهران
والعذر وسموحه على القصور بنتكم سحايب العازميه

مرضى العقول

مرضى العقول من القهر خلها تموت= وحنا لها ضد(ن) على طول الأزمان

تصارع الأفكار في وسط كابوت= كتله صغيره في نظر عين الإنسان

سر في طريق الصح من غير مبهوت= حرن طليق (ن) صيرمي هز الإشجان

إلي كفخ وسط الفضاء غير مكبوت = يرقا على القمه تنهض بجنحان

وعبدالله الهران مايقبل سكوت = ماهو ظعيفن يقبل الذل ويهان

كنه من أجبال السروات منحوت = يستأهل التمجيد في كل ميدان

انا اشهد انه عز والكل مبخوت = رجل الوفاء وقت القاء يرفع الشان

أسترجع التاريخ ماينظر الفوت = راجع معاجمها وألف ببرهان

ويبا يغيرنا هنيديس ذلبوت = مايدري أن إلنا معالم وربان

يسكت ردي الحظ لا يرفع الصوت = جوله حمات الخلف بالخد لازان

الشاعرة الأديبة
سحايب العازمية

[عبدالله الهران]

يناظر سرابه

البارحـه فكـري يناظـر سرابـه = مثل الذي لاهـوب حـيٍٍ ولا ميـت

وين الرجال ويـن ذيـك القرابـه = اللي لهم في داخل القلـب حنيـت

وابن المبارك وين ويـا الصحابـه = والتابعين اللي لهم مجـد فالصيـت

وين البخاري وين حطـة اركابـه = والشافعي والحنبلي ضلـع حليـت

راحوا عن الدنيـا جماعـه ولابـه = اللي على الدنيا كما سـرجٍٍ وليـت

من عقبهـم صرنـا ابـذل وكآبـه = صرنا على الدنيا كما جربة اسريت

اللـي متارسهـا تخـر الشرابـه = ولا تنفع العاني ولا تـروي البيـت

صرنا على الدنيا كما شعب غابـه = كل يبي يفرس ابقـول ٍ وسويـت

وكل ٍعلـى الدنيـا مكشـر انيابـه = ابها الزمن هذا وانا منـه كشيـت

الـكـاتـب
عبدالله الهران

[عبدالله الهران]

يازين ياللي

يازين ياللي تسحر القلب بفنون = ياللي رفعك الطيب والزين والشان

أنت الذي فالقلب غالي ومصيون = والقلب مايرخص بغاليه الأثمان

صبرك علي اشوي بالهون بالهون = ياللي زهاك الود ياعود ريان

اترك طريق الصد وبليس ملعون = يجلب عليك الشر ويذم خلان

هذي ثلاث اسنين والقلب مرهون = وأنته تبيح السد من دون كتمان

اللي حصل منك له القلب مشحون = وأنته تجس النبض والفكري حيران

ياوردت الريان .. ياغصن زيتون = ياللي خلقك الرب من عود رويان

يازين أنا حبك وحاضر وممنون = لأجلك ادوس القلب وماني ابشرهان

أنت الحبيب اللي على الصدر محضون = مجلسك في وسط الحنايا وشريان

الكاتب
عبدالله الهران

[عبدالله الهران]

صغـــت للرد مخراج

الحمد لله عاين كل محتاج = اللي خلق دنياً وعلمه حضنها

هاج القصيد وصغت للرد مخراج = شعرٍ يزيل احروفها عن عفنها

نربط السان اللي عن الدرب ينعاج = اللي الياجته الرسايل دفنها

مانطلب المعروف من شخص هراج = اللي الياجته الحقايق طعنها

حنا نحب الطيب للطيب منهاج = نعرف اسلوم المرجله مع ثمنها

نفتح ابواب الخير ونحط مزلاج = للي الياجته المصايب شحنها

مرت علينا أيام نعطي ونحتاج = دنياك يالمخلوق ربك وزنها

الكاتب
عبدالله الهران

[عضوه 1]

ديوان رائع الجمال , استمتعت بقرائته فعلا ,,

كاتبنا الكبير و الشاعر المميز بن هران صح لسانك و أبدعت بهذا الديوان فعلا .