ديواني الشعري

[عبدالله الهران]

الشـــــــــــــــــــعر ســـــــــــــــــــيف

الشعر سيفٍ تنتخي فيه الأحرار = والخبل ميزانه مع الناس غادي

والقاف لامنه بدى يجدح النار = أقول سترك ياولي العبادي

قافٍ على معنا كما ضلع سنجار = لا صار بين الناس حادي وبادي

وقافٍ بلا معنا نحطه بالإنكار = ما نقبله لو كان صيته ايجادي

رجلٍ على فعله شواهيد الأبرار = زودٍ على فعله وطيبه يزادي

الصيت معنا واضحٍ مابه إنكار = دربه ترى مرٍ يبيله إجهادي

الكاتب
عبدالله الهران

[عبدالله الهران]

موجهة إلى مطلق القراوي

ســـــــلام مني عـــد ماهـــــــب نســـــــــــــناس = أخ وعــزيز وبالـــريا جــيـــــــل وافــــــــــــــــي

خـذ الخبــر منـي على علــــــــم وقيـــــــــــــاس = حــافـــــظ علــى وزنـــــــه ورد القـــــــــــــوافي

يــابو محمـــد لك معـــــزه عـلـى الـــــــــــــراس = أقـولهــا من قلـــــب مخـلـــص وصـــــــــــــــافي

أعــرف وميز واخــذ العـــــــــلم بقـيــــــــــــاس = أشـــور واخـذ شـــور مـانـــــي بجـــــــــــــــافـي

يــوم القـــراوي لأظـلـــم الليــــل نبــــــــــــراس = غـلاه عنــدي داخــل القـلـــــب ضــــــــــــــــافـي

الــرجل لآمنـه صـفـــالي مــــن النـــــــــــــــاس = أبـديـلـــه المكــنــــــون بـــين وخــــــــــــــــــافي

أعـــز نفســـي عن غــوى كـــل خـنـــــــــــــاس = أمـشــي مع المعــروف لوكنـــــت حــــــــــــــافي

لاصــار فكــري بالهــواجيــــس غـطــــــــــــاس = تضــربي الأمــواج ظـــاهــــــر وخــــــــــــــــافي

أســـتر جنــابي عـن هـــوى كــــل بــــــــــــلاس = مانــي علـى درب الــــــــردى والـهـــــــــــواافي

ياشــفت ميــلات الليـــالـــي على النـــــــــــــاس = أشــــــورعـقــــل بالمـــــــوازين كــــــــــــــــافي

ناخــــذ ونعطــــي ماحســبنــــــا لافــــــــــــلاس = نــــــزبن علـــى ربٍ كفيــــــــل الضعــــــــــــافي

هـذا هــوى نفسـي وهــــذا علـى ســــــــــــــاس= ورثٍ ورثتـــــه مــن قـبــــــــل لا تشـــــــــــــافي

وصلات ربي عد حـرفٍ بقــرطـــــــــــــاس = عـلـى النبـــــــــــي الهاشـــــــــمي خيـر لافــــــــــي

الكاتب
عبدالله الهران

[عبدالله الهران]

موجهة إلى مطلق القراوي

بسم الله الرحمن مبدي طواريق = واصوغ معـناها بيوت عجيبه

خذ الجواب اللي بليا تلا فيق = ياواحدٍ والله غمرني بطيبه

يا مطلق أنته من رجالٍ مطاليق = شيخ معرب انتعزوى بصيبه

ستر الصدور اللي تسمى صناديق = العمر يفنى والليالي نجيبه

أنت الذي ينصاك من حس بالضيق = المال يفنى والنشاما كسيبه

يشـــتاق قلبي يبيض الوجه ماطيق =على زمانٍ فات وقفى نصيبه

يحفظك ربي من أنجوس الملافيق = ويصك باب اللي يبيلك مصيبه

يالله عسى يكفيك دنيا التصافيق = ويرزقك ربي من جنانٍ عجيبه

دنياً تقلب ماتجي بالتوافيق = والجو غاديله ارزوم لهيبه

تصبصبت نيرانها والهوى ميق = على عطوف القلب وفرت بجيبه

وعروق قلبي والحشا والمعاليق = متماسكات أطرافها في نحيبه

ذكرى ترك قلبي وله هو ماطيق = والنفس في دنيا العـنا من شجيبه

من أول غالي ولا فيه تدقيق = واليوم بغضه بان والعيب عيبه

فعلي ظهر صافي الرب المخاليق = الواحد اللي مايخلي طليبه

ودنياك هذي قل فيها الصواديق = والحمد للي كل شيى ٍ يجيبه

وصلاة ربي عد جمع ومفاريق = على النبي الهاشمي وانتهيبه

الكاتب
عبدالله الهران

[عبدالله الهران]

موجهة إلى الكاتب : عبدالله الهران

أبدي بذكر الليي فرق خلــق وأجنـــــــاس = الواحد المعبـــــود ياخيـــــر شـــــــــافي

حييت ياشيخٍ مقامــــــه على الـــــــــراس = وحي الجواب اللي به الـورد صــــــــافي

ومعزةٍ أغلى من الـــــروح والمـــــــــاس = ومحبةٍ تســــبى القلــــوب الرهــــــــافي

وتقدير ثم إعجاب ياطيـــــــب الســــــاس = أقولهــا بإعـــلان مـــانــي بخـــــــــــافي

عبدالله الهران شـــــاعــــر ولابـــــــــاس = عانـــق إبن لعبـــــون ويا النصـــــــافي

أنا اشهد إنك للــــرياجيــــــل مقيــــــــاس = وأنا اشهــدك لأطيـب الجـود ضــــــــافي

وأنا اشهد انك للمعــــاســــير فـــــــــراس = عــــديت رجــمٍ شاهــــــقٍ ومتعــــــــافي

حـرٍ ولـــد حـــــرٍ وللخيــــــر نبــــــــراس = تقــــدم الطـــــولات يــــوم الهفــــــــافي

قول وفعل مثلك قليــــل مــــن النــــــــاس=تستاهـــل اللـي كامـــــلٍ بالوصــــــــافي

عسى الولي يحفظك من شــرالأنجــــــاس = ومن الليالـــــي المظلمـــات العجــــــافي

وأنا جبيلك لأصبح الوقـــت حســــــــاس= تلقـــــا جبــيــلك مايجيـــب الخفـــــــافي

والخاتمه صلـوا على سيـــد النـــــــــــاس=إعـــداد ماتكتــــب حــروف القـــــــوافي

وعد المطر وعداد ماهـــــب نسنــــــــاس = على الحبيــب المصطــفى خيــــــر وافي

الشاعر
مطلق القراوي

[عبدالله الهران]

فكـــــــري ســـــــوات الـــــــــدر

فكري سوات الـدر فالبحـر غطـاس = وقلبـي تـمـزع حطمـتـه الليـالـي

والدمع يذرف من معانـات واحسـاس = يجـري علـى الخديـن ممـا جرالـي

والشعر هاجوسه على القلب هوجـاس = ايفـجـر المضـمـون أول وتـالـي

سطى على احساسي وعلى فكري الياس = طوق على قلبـي لـو الفكـر سالـي

يازين يشدي في جمالك كمـا المـاس = يشـدي جمالـك ياحسييـن الـدلالـي

يزها على صدرك وأنا اصير محتـاس = يازيـن تكفـى وارحـم اليـوم حالـي

العمـر قفـى فـي طريقـه للإفـلاس = والشيب بانـت صبغتـه فـي العلالـي

كتبت أنا احساسي على ظهر قرطـاس = يـومٍ حبـك وسـط قلبـي وغـالـي

الكاتـــــــــــب
عبـــداللــــــــه الهــــــــران

[عبدالله الهران]

الحـزينــــــــــــــة

دمعٍ نزف من محجر العين ياعيد = والقلب من كثر التحشرج يوني

والنفس عافت مابها اليوم من فيد = سبة هواجيسٍ بفكري تزني

أبوي طايح كنه اليوم في قيد = ماعاد يعرف شيٍِ اليوم عني

وهو كما حرٍ مشبع من الصيد = منه الحباري خيشن وخمرني

واقف ابوجه الوقت سبعٍ وصنديد = ماطاح يوم الوقت له امتجني

واليوم فكرٍ مابه اليوم ياعيد = صاير كما طفلٍ يون ويئني

يالله عسا ربي يشافيه ويعيد = عقله عليه وفوق هذا يحني

ويالله عسا ربي يحفظه من الكيد = ويوم الحشر يالله عساه امتهني

فالجنة العليا وربي له يزيد = وامي على جنبه لها دعاة مني

أمي على راسي ولها الحق وتسيد = ياما اسهرتلي في ليالٍ مضني

وياما عطتني من حنانٍ وتمجيد = يوم الليالي خالفاً وعسرني

هي الغلا كله ولها الطيب تحديد = أمي حنون وتبغي اليوم مني

الكاتــــــــــب
عبداللــــــــــــه الهــــــــــران

[شبيب الملعبي]

عبدالله الهران

صح السانك

تقبل تحياتي وتقديري

[عبدالله الهران]

هــــــــاج القصيــــــــــــــــد

هاج القصيد وهيج القلب غاليه = وكل حسب فكره يرتب قصيده

الصاحب اللي في حشا القلب نغليه = طيبه ملك قلبي وزاد برصيده

كل ما طرى ذكره علينا ولياليه= زاد الهنا بقلبي وقفى صديده

يابو علي قلي شسوي بمعاليه = طوق على قلبي وقفل حديده

كل مابدى طيفه ووجهه ومحاليه = قمت اتوجد كني الصيد بيده

الجادل اللي في قمرنا تحاليه = طيفه تمكن من جديد الجديده

بين الحنايا مسكنه في مفاليه = مثله سحر قلبي وفكري يسيده

ياعيد أنا مفديه بجريه وعاليه = زوله طرب قلبي ودايم يريده

يالله دخيلك ماسط القلب صاليه = سهمه ضرب قلبي ودايم يصيده

الكاتــــــــب
عبداللـــــــــــه الهــــــــــــران

[عبدالله الهران]

ياليـــــــــــل ياللــــــــــــــــي

يا ليل ياللي تكتمل فيك الأسرار = ياللي ظلامك كل شيٍ يسيده

جبرتني ياليل في كشف الأستار = وكشفت لك ياليل سرٍ تريده

عزالله انه في مغبات الأبحار = سر ابخفا نفسي ومثلك يجيده

لي قصةٍ تبهر مواريث الأطوار = اللـه يفرجها علينا شديده

دنياً تجانس حلوها ويا الأمرار = صارت كما العلقم وصارت عنيده

يا ما عطتنا من عطورات الأزهار = ويا ما سقتنا من قراح وصديده

يا لله يا عالمٍ خفيات الأقدار = يا واحدٍ كل الخلايق عبيده

أطلبك يا والي مقادير الأعمار = انك تفرجلي همومٍ جديده

همٍ تولجني وأنا منه محتار = طغى على نفسي وهمي يزيده

طيفه تولجني ودايم بتكرار = ودي على فرقاه والله يبيده

تعادلت عندي همومي والأفكار = وأصبحت في غمٍ ونفسي زهيده

تصلفقت يا عيد لو صار ما صار = مالي عن المعروف صدن وحيده

وماني أنا مجبور في زج الأعذار = بصبر على مر الزمان ومكيده

نمضي على الدنيا على درب الأخيار = وحنا على الدنيا بنفسٍ وحيده

نزها كما النخله ونحلى بالأثمار = ويجف دم القلب ثمٍ نبيده

نبقي الربيع ونطرب النفس ومطار = ونبقي الربيع ونبقي الخرب صيده

ارسلت لك ياعيد من زين الأشعار = قاف لكم ممزوج بأحلى قصيده

والخاتمه صلوا على سيد الأبرار = محمد الهادي علينا يسيده

الكاتـــــــــــــب
عبداللــــــــــــــه الهـــــــــــــــران

[عبدالله الهران]

أعاتب زمان

أعاتب زمان اللي صدمني بدون أسباب = وبصبر على مافات ونفسي أعالجها

ألا يازمان ارحل ترى ماعليك أعتاب = ترى ماجرى منك ابنفسى زواعجها

على ماجرى بيني وبينك يصير أحساب = نقلت العنا منك وهذي نتايجها

ألا ياعنا قلبي وفكري غلاكم غاب = ترى منكم مجروح ونفسي ادارجها

ألا ياهنا قلبي بنجمٍ سطع لي طاب = عقب حكمة الباري دخل في لجالجها

كسبت أنا ماطاب في فعلك اللي عاب = جنيت الثمر كله وروحي اهارجها

ألا يازمانٍ خاب في مكسبه ما صاب = أنت الردى كله ونفسك تسارجها

قبل أمس أنا أعزك واعدك من الأحباب = بنفسي ثمر حبك داخلها وخارجها

وعقب الغلا صرتم مشاكل لنا واتعاب = وجتني هواجيسٍ عسا الله يفرجها .

الكاتــــــــــــــــــــب
عبداللــــــــــــــه الهــــــــــــــــران