من شاعرات العرب الشاعرة ( سحايب العازمية )

[افلاطون]

يعطيك العافية الاخ عبدالله الهران
على شهادتك بالشاعره سحايب العازمية
وانا عن نفسي شهادتي فيج مجروحة الاخت سحايب
تستاهل الاخت سحايب كل غير وتقبل مروري

[عبدالله الهران]

الشاعرة ( سحايب العازمية )

أن هذه القصيدة هي إحساس مرهف يتعدى كثيرا مرحلة التذوق والحضور .. مرحلة فاقت الحيرة لأصل الكلمة المستوحاة من أعماق إنسانة تبوح بكل ما تختلجة به نفسها وتضطرم به مشاعرها ..

فباح سد شاعرتنا ( ســـحايب ) بهذه القصيدة الموسومة،،،،

متاهات الاشواق..

ذكرى تلوح بخافقي لوح برّاق = ساري وشوفه يستثير القريحه

إليا طرت بيّن على الجفن الارهاق = ومن العنّا بانت رسومٍ صحيحه

صارت تقربها طيوفٍ بالاعماق = يوم الليالي بالمواصل شحيحه

تحمّلت نفسي متاهات الاشواق = الله يعين أهل القلوب الجريحه

ويرفق بحال اللي شكت هم وفراق = غدر الليالي يزعج المستريحه

أكتب معاناتي على بيض الاوراق = وأختار بعض المفردات الفصيحه

للماضي اللي داخل الروح ينساق = وأستعذبه لافاح عطّره وريحه

ياما على شانه جرى الد مع دفاق = دمع ٍ يجرح ناظري في مطيحه

طاب السّهر للعين لوقت الاشراق = يعاذلي خلّ الحكي والنصيحه

خلّ الخفوق اللي من الوجد خفاق = يسّج بأيام ٍ مضت له مليحه

بعض الحكي زود أشجوني ولا راق = مثل السموم اللي يحرق لفيحه

ودي أحط اللي مضى بين الاحداق = ومن لامني يعلّ ربّي يبيحه

أنا وحرفي لاجمل الوقت نشتاق = شوق النفوس الوافيات الصريح

***

ــــــــــــــــــــــــــــــــــــــــــــــــــ ـــ

ثم ابدعت شاعرتنا فقالت في قصيدتها الموسومة (صدق الغلا )

جيت ومعي صدق الغلا مامعي غير = أحساس صادق والنوايا سليمه

بحر المحبة لعثمّته المقادير = يحكي الجمر قصة نديم لنديمه

نزف الشعر من هاجس البوح تصوير = في بوح صارخ بلل الشعر ديمه

***

ــــــــــــــــــــــــــــــــــــــــــــ

وكذلك قالت شاعرتنا في قصيدتها ( النرجســـــــية ) القصيرة التي تحمل من المعنى الشيء الكثير

عازمية والقوافي نرجسيه = من بحور الشعر وأبعاد الخيال

بالحلا وأعذب حروف الابجديه = أنكتب أسمي جوابً 00 للسؤال

والقصايد في معانيها النديه = كالورود أن داعبت ريح الشمال

يخجلة لمسة كفوفً مخمليه = من يصافحها وهي صعبة منال

كل ورده بالمعاني شاعريه = واصلة بالفكر لحدود المحال

***

فاليوم استعرضنا جزء مما ابدعت به شاعرتنا على أن نستكمل ماتبقى من درر القصائد التي ابدعت بها ومن شعور قذفه جوفها على لسانها ، حتى تعم الفائدة فنستقطبها ،،، جميعاً ،،،

يتـــــــــــــــــــــــــبع

الكاتب
عبدالله الهران

[عز السلاطين]

يعطيك العافيه علي الطرح الجميل

وتحياتي لك

[عبدالله الهران]

الشاعرة ( سحايب العازميه )

هذه القصيدة هي الإحساس ترسمه أنامل فنانة هائمة الفكر .. رقيقة العبرات .. روح تحلق بعيدا عن جمود الفكر وصلابة المشاعر .. عالم تسوده الرقة البعيدة عن تعقيد البشر والرهبة العارمة في كل إحساس صادق وجميل ، تجاه من تريد إهدائه أي شيء ولو كلمة واحده، فقالت شاعرتنا في قصيدتها الموسومة التي اهدتها إلى قبيلته ( العوازم آل عطا )

الطيب ساسك

الطيب ساسك ما شتريته بالأثمان = متسلسلِ من نبع ناسِ عزيزين

طيبك من أصلك وأنت للمجد ديوان = علمِ وكاد ولا يبيله براهين

لبست من طيبك على الراس تيجان = تاج الظفر رمز الوفاء ياعريبين

انتم بني عازم على مر الأزمان = وافين والله يالرجال الشريفين

شجرة عريقه جذرها بالفخر بان = تسلسلت بمجادها بالمضامين

تاريخها من قبل الألفين سلافان = لجيت اعد أعصورها تذرف العين

لها امتدادِ بالجزيرة والأوطان = على ظفاف ارض العروبة سلاطين

اسئل هل لتاريخ في كل ما كان = ينبوك عن امجادنا بالملايين

***

ـــــــــــــــــــــــــــــــــــــــ

ثم اردفت هذه القصيدة الموسومة ،،، شامخة القول بهية العبرات تسلب اللب بوهج وفتون ... وتمنيها بمحمود الصفات من منا لم تبتهج عيناه طربا لصدى كلمة جميلة وإحساس متدفق ،، فعنونتها ،، ب

عـــــزة النفـــــس

أنا أشهد ان بعزة النفس نوماس = والبعد عن بعض المخاليق راحه

روم العلاء حذراك عن حنيت الراس = أرق الصعا ب أ قولها في صراحه

تقوله اللي لكتبت هيض الاحساس = بضيقة خفوق وسجته وانشراحه

ترسم صدى الأفكار مع كل هوجاس = مع نهج مبدأ واضحا في ملاحه

وتسرح مع الأشعار في كل مقياس = بيت الشعر يلزم يحقق نجاحه

رويت من نبع القوافي على ساس = عدي روي ماهو بعد الشحاحه

ماهي كتابة سطر من فوق قرطاس = حرفن وضع لبد يثبت رجاحه

لان البحور أبغوصها تتعب أنفاس = والماهر الغطاس يقطع مساحه

***

يتـــــــــــــــــــــــــــــبع

الكاتب
عبدالله الهران

[عبدالله الهران]

الشاعرة ( سحايب العازمية )

الشعر بحر للفصاحة والبلاغة والبيان .. بحر من الملكات ممزوج بأحاسيس عميقة تبثها المشاعر فتستسيغها العقول ..
.. وعندما نتحدث عن آثار الشعر على فؤاد قارئه .. فلابد لنا وأن ندرك بأن وضوح المعنى وجمال التعبير ينسجم مع فن الظهور والبيان والتنقل بحرية للتعبير عن النفس ، وهو أمر تعكسه الفصاحة بواقع مختلف و حلة متفردة ..

كيف يغـــدو البدر حلمـــــا قاتمـا *** ويقول الليل أشـــــعـار ا لفجـري

لن يغيب الصبح في سود الدجى *** لن يعود الأمس والأنوار تسري

فشاعرتنا ( سحايب ) أنشدت بأحسن القصائد وأنقى المفردات فتقول في قصيدتها الموسومة التي
أهتز لها وجدان القارىء وأضطربت مشاعره تفاعلا وإكبارا لأسمى معاني الحكمة وأصول تلاقيها
.. ولقد سجل لها التاريخ ذلك ،،،،،

(حكمــــــــة )

يا الله يا اللي قا ل للي يسأ له = أنت ادعني وابشر بتفريج الأ هوال

يا اللي شرع للناس شرع العد اله = ومن لا حكم به سيق للنار باء غلال

وبا لحشر ياغا فر ذنوب ِ جلا له = سبعه تظللهم من الناس بضلال

يا اللي خلق شر ِوخيرِ بداله = وتبد ل الإنسان من حال في حال

سبحان ربِ ما يغير بحاله = وخلقه يغيرهم على كل الأحوال

واشهد واقول أن التجارب دلاله = يعرف بها خاف المظاهر وإلا زوال

ومن لا اعتبر من ماضيله جراله = اشد شهادة حق ما يعا دل ريال

وأنا جعلت التجربه لي زماله = وادركت فيها اشياء عريضات وطوال

من ضمنها شياب بس الجهاله = تقودهم مثل الجمل خلف جمال

وايضأ شباب ولا بلغ باكتماله = لكن عقوله كنها عقول عقال

وعالم طبيعتهم طبيعة نذاله = اللي تحسب الطيب في كثر الاموال

ورجال في ورطه وغالي حلاله = عزة كرامتها ولو حظها مال

وحسب الذي قلنا على كل حاله = أمور منها الكل بالناس يهتال

وأنا اشهد أن الطبع يصعب زواله = حتى الجبال تزول والطبع مازال

ومن لا تربيه الأهل عن دلاله = تذ ل له غبر الليالي بالاءذلال

ومن وفقه ربه رقى في جباله = ويصير في رؤوس الطويلات نزال

والصبر لوأنه يطول احتماله = ويبغا رجالِ شامخه كنها جبال

وعند الشدائد لا تدور مثاله = الصبر مثل الصبح لليل لا طال

والمر جله والله عسيره حباله = ولاكل قوالِ لها صار فعال

والطيب بين الناس ماأضيق مجاله = ليا صار بالقالات نابل وحبا ل

وبالضيق مايقدر له إلا رجاله = وتروى مواقفهم على طول الأجيال

ولا أحد مدح في طيب جده وخاله = ليا حسبوه الناس من ضمن الأنذال

وذي سنة الدنيا ولا أحدِ صفا ءله = وقتِ حلو بأحيان وحيان غربال

وحتى الشعر ها العصر كلِ رثاء له = يوم أختلط به كل رجلي وخيال

وتمت وصلى الله على أهل الرساله = الكل منهم بعث بالحق مرسال

***

يتـــــــــــــــــــــــــــــبع

الكاتب
عبدالله الهران

[عبدالله الهران]

الشاعره ( سـحايب العازميه )

الشـــــــــــــــــعر

بداية لا تنتهي بإنتهاء الصفحات وجف حبر أقلامها .. وكلما كان لكلماتنا معان مميزة وإحساس صادق .. يصل مداه سريعا لقلوب قرائنا .. فالشعر لم ولن يكن مجرد قول بعيد عن شعورنا به ..
هو هدف ينقل لنا دوما رقي فكر وحضور يرتقي بمكانة كاتبه .. فمن هنا قالت شاعرتنا (سحايب)
في قصيدتها التي تحمل من الجزالة والمعنى الشيء الكثر التي بدايتها ،،،،،

سطرت لي

سـطرت لي في عالم الشعر عنوان = من عند ربي مادرسته دراسه

حـررت قافي عن شوايب ونقصان = ورفعت نفسي عن دروب الدناسه

اكتب بعد ماحط لي 1000 ميزان = حتى يبين القاف واعرف قياسه

يـكتبني الإحساس في وجه الاحزان = واشيل طاروق الفرحبالوناسه

بـنت وكتبت الشعر في كل الألحان = وأفهم رموزه واعترف بالسياسه

اقواه واصعد به شواهق وضلعان = وأرسم حروفه لابغيت بسلاسه

لامن بغيته ينحني طوع واذعان = ويزيد شعري لابغيته حماسه

عـلى جزيل القاف شيدت بنيان = ولا كل من غاص البحر جاب ماسه

افهم كلامي واعتقد واضح الآن = لو اني ادري صعب عندك فراسه

زادت وجاك الرد وافي بقيفان = ياصلك لو دونك شديد الحراسه

مـاقل دل وزبدة الهرج نيشان = والحر مايقبل أذاه ومساسه

يـمك حروفي ساقها الشعر عنوان = واشغلتني راحت علي الدراسه

***

ياســـــــــلام عليك ياشاعرتنا أنتي نموذج الشعر والإحساس المرموق

يتـــــــــــــــــــــــبع

الكاتب
عبدالله الهران

[عبدالله الهران]

الشاعرة ( سحايب العازمية )

الشِّعر ديوانُ العرَب ,،،،

ويُمكنُ القولُ بأنه سجلُّهم النفيسُ الذي حفِظَ تراثهم وتاريخَهم وآدابَهم وأخلاقَهم , وإنه مُتحَفُهم الناطقُ الذي دوَّنوا فيه أخبارَ أبطالهم ووقائعَ بطولاتهم وما تفرَّدت به قرائحُ حكَمائهم وفُضَلائهم من حِكَمٍ بليغة وأمثالٍ بديعة.

كما يقول الشاعر ،،،،،

لكنَّ شعرَ العُرْبِ ديوانٌ به *** آثارُهم تسمو ومعنىً فائِضُ

صاروا به بين البرية ساسةً *** إذا كلُّهم نحْو المعالي ناهِضُ

***

فلولا الشعر العربيُّ لما عُرِفت الآدابُ العربيةُ ولما شُهِرت القبائلُ وأخبارُها

فهذه شاعرتنا الفاضلة (سحايب ) كان بينها وبين الشاعرة (بدر الوفى ) أمراد في قصيدة بدايتها ( يابـــدر ) التي تحمل من المعنى الشيء الكثير مما جعل الشاعرة( بدر الوفى ) ترد عليها في قصيدة لا يقتصر معناها عما ورد إليها من أبيات الشاعرة (سحايب) ،،، فتقول شاعرتنا ،،،،،

يابــــــدر طالت ،،،،

يابدر طالت بي سؤد التفاكير = وانا اتحرالي علومن جدادي

يابدر يابنت الرجال المشاهير = علمن سمعته عل ماهو وكادي

يابدر لك عندي معزه وتقدير = ماتنكتب فوق الورق بالفؤادي

غلاك عندي فاق كل التعابير = من غيبتك ماراق لي ألسهادي

يالله عسى نسمع بحلو التباشير = عطفك وللطفك ياولي العبادي

***

فهذه قصيدة الرد الموسومة من الشاعره ( بدر الوفى ) فقالت ،،،،

أهلا وأهلي

أهلا واهلّي عد ماغرّد الطير = باللي غلاها دايمٍ بازديادي

سحايب أختك بدر في خير وبخير = ياعطر جوري ياخزامى وكادي

دموع عيني من حروفك محادير = لا نوم يهناني ولاذقت زادي

جاني خبر مرسول الي بالتقارير = البدر ماتت واعلنوها حدادي

الموت بيد الله عليه التدابير= والنفس في تقدير رب العبادي

ماصابني صاب العتاه المشاهير= والشمس ما يحجب شعقها سوادي

صفّو على علم الردى لي طوابير = واهل الوجيه السود باقو حصادي

والعذر منكم لو حصل اي تقصير = ويعلم الله كم بذلت اجتهادي

***

يتـــــــــــــــــــــبع

الكاتب
عبدالله الهران

[سحايب العازمي]

كل الشكر لك استاذنا القدير/ عبد الله الهران
لاهنت وبارك الله بك وبقلمك المميز
حفظك الله ورعاك

[سحايب العازمي]

وعسى ان تعود شاعرتنا القديرة بدر الوفى للمنتدانا الغالي
وهي بالف خير وسلامة,, وشكراً لك باحثنا القدير عبد الله الهران على وضع قصيدتها بهذا المتصفح وهذا الاهتمام ان دل لايدل الا على نقاءك وكرمك
وأخلاقك العالية وهو بالنسبة لنا تواضع نعتز به من سمو شخصك الكريم
دام الله عزك وحفظك الله من كل مكروه

[عبدالله الهران]

الشاعرة (( سحايب العازمية ))

وهذه من قصائدها التي أهدتها إلى الكاتب : عبدالله الهران والتي تحمل كثير من المعنى المجمل بكل الجمال والتغنية المعنوية التي ترمز إلى قوة شاعرتنا في انتقاء المعاني التي هي من ركائز القصيدته

وهي من قصائد المراد ينها وبين الكاتب ،،،، والتي بدئتها بكلمت ،،،،،،

سيلٍ نحاوي

سيـل ٍ نـحـاوي فــج شعـبـان وســدود = ومــزنــه كــمـــا لــيـــلاً مـــــروع ضـبــابــه

وابــه الـصـواعـق سـاقـهـا ذاري الـنــود = فــــوق الـجـبــال الـشـامـخــة واسـتــوابــه

هذي وصوف اللي له الطيب مشهود= نــال الـعـلا فــي كــل عـــزم او صـلابــه

لاحـــــــد تـــيــــاره ولايــخـــضـــع ابــــنــــود = تـاريــخ بـنــده واضــــح ٍ فــــي كـتـابــه

عــبــد الله الــهـــران بـالـعـلــم مـقــصــود = ابـــــن الـبـريـكــي درع مـنــهــو لــجــابــه

لا تـسـئـلــوا هــــــذاك مــلــحــن ابــــــارود = خــصـــم الـخـصـيــم أقــولــهــا بـالـنـيـابــه

مــــا قـلـتـهـا بـسـقــوط والـعـلــم مــــاردود = شطـر ٍ كتـب وانـا اكتـبـه فــي رحـابـه

شـعــري يـنــال وعـالـمـي مــابــه اقــيــود = ارمــاحــهــم بــالــحــرب فــــــك الــطــلابــه

*****

سحايب العازميه

ـــــــــــــــــــــ

وهذه قصيدة الرد من الكاتب عبدالله الهران على نفس الوزن والقافية

جتني رساله

جـتـنــي رســالــه تـفـلــج الـقــلــب وبـــــزود = مـن شـاعـره جـانـي الخـبـر كالسحـابـه

بنـت الـشـرف والـعـز والطـيـب والـجـود = والـقـلـب مـــن بـيــن الـضـلـوع استـجـابـه

جاني اكتاب وخصني بطيب مشهود = وعنـد الولـي كـل(ن) مسجـل احسـابـه

رزقــي عـلـى الـدنـيـا امـوقــت ومـحــدود = عـــنــــد الـــــــذي انـــعــــم عــلــيـــا وجــــابــــه

أنتـي سحايـب عنـدك الـحـق مـرصـود = مــا غـيـره شــي (ن) ولا الـوقـت عـابـه

شــعــرك وتـاريـخــك امــعــرف ومــوجــود = والــلــي كــتـــب مـاحــضــره فـــــي كـتــابــه

وحـنــا عـلــى الـدنـيـا انـجـاهـد بمـجـهـود = نــاخـــذ مـــــن الـتــاريــخ عــلـــم ورحـــابـــه

حـنــا ضـربـنـا فـجــوج شـعـبـان وســـدود = دار الـــزمـــان وراح وقـــــــت الـضــبــابــه

يــابــنــت أنــــــا رديــــــت والــــــرد بـــحـــدود = حـطـيــت أنــــا ردي ولــطـــف الإجــابـــه

وصلوا على سيد البشـر دون محـدود = وصــلــوا عــلــى آلــــه وكــــل الـصـحـابــه

*****

يتـــــــــــــــــــــــــــــبع
الكاتب
عبدالله الهران