جيت ياشعري بمـا كـن خفاقـي ببيـح = وانت ياشعري على العالم اصمـل واصرفـه
وان نويت اتذيع طالبك لاتجيب الصحيـح = ذيع من بـاب الخيـال المفكَـر واسرفـه
ليه ؟ ياكف ٍ ندي طحت .. في كف ٍ شحيح = مايعرف الا الجفـا .. ! والوفـا مايعرفـه
وانت ياخفَاقي اصمـل وتكفـى لاتطيـح = اجبر بصاحبـك واثبـت عشـان تشرفـه
من متى والمقفيه تابـع اخطاهـا واصيـح ؟ = ومن متى دمعي عشان الردي صرت اذرفه ؟
راح خله.... والا انا مبطي وقلبـي جريـح = وكل يوم اقـول همـي قـدرت اصَرفـه
حظ منهو نال وصـل الحبيـب ومستريـح = وحظ منهو عاش عمـره وقلبـه ماكرفـه
هو صحيح انه نساني ؟ ... او ان الي صحيح = من كثر ماعشت ويـاه ماكنـت اعرفـه ؟
أبَرك انسى ياخفوقي هوى كـف ٍ شحيـح = واجبر بصاحبك وانسـى عشـان تشرفـه