غبتي وصار الصدر كله حواشير = وأليا حضرتي صار فالجو ديمه
هذي سنه وياك لكن عسى خير = وحطيت لك فالقلب حشمه وقيمه
أفرح بشوفك والليالي مقادير = لانك أصيله ياليدين الكريمه
وانتي على كل البنات الغنادير = /شيخه /وبنت رّجال/ فعل وعزيمه/
اشتاقلك شوق الضوامي على البير = وآهيم لا هب الهوى مع نسيمه
معك معك قدام لو تعكس السير = يقولها اللي ما يهاب الخريمه
انا معك واللي تبي قول ويصير = رجال وافي مايعرف الهزيمه
وحرام في حبك ما حسّب المخاسير = لو عوّدت كل الخساير وخيمه
يالله عساني في عيونك عن الغير = ويبقى غلانا جعل ربي يديمه
والا القصايد فدوتك صبح وعصير = تذكريها بالليال القديمه
قصايدٍ فيها غلا. أخلاص. تقدير = واللي يفسرها تجي في صميمه
واليا بغيت البعد ما جاك تقصير = يكفيك لك فالقلب حشمه وقيمه