أشكرك وأقدرك وأكتبك وأقراك =ياصاحبي قدام لاترد بابك
كانك نويت البعد ياصاحبي جاك =وإن جيت تلقى ياهلا مرحبابك
عند الذي بالشعر جابك ووداك =حدك وردك وإنتهاك وبدابك
يذكر معاريفك ويذكر سواياك =ونساك يوم إحتاج لك وإبتلابك
من دورك ياطيب العرف يلقاك =قول وفعل يعني عرفك ودرابك
قدام لاتظرب يمينك بيسراك =وخر وقدم هقوة الي هقابك
إما تعدى واحدٍ ماتعداك =والا تحدى واحدٍ مادرابك
أبك أنت توحي يوم خانتك دنياك =وأقرب قريبٍ لك شناك وحكابك
وشفت العدو الحاقد الي تمناك =يجني عليك بواحدٍ من ثيابك
ياخوك كانك تسمع العلم حياك =تكتب وتمسح ماورد في كتابك
كانك قدرت اليوم تظهر خفاياك =تقدر تصرح عن خطاك وصوابك
عندك خبر بالي حصل يوم شفناك =والا خبر عن صدتك وإنقلابك
وش بك علامك تقفل الباب وياك =في شينك وزينك جزاك وعقابك
شيبك وعيبك كل علمٍ تحراك =مدك وسدك غربتك وإغترابك
بيني وبينك لاتكرر خطاياك =تاخذ وتعطي من هناك وعذابك
أنت الوحيد الي زمانك تحداك =إسمع وشوف الاسئله في جوابك
تدري متى تدرك وأنا أدرك مزاياك =لاضعت في دربٍ هداك وغدابك
إترك وخل إعلوم هذا وهذاك =وعطني علوم الي خذاك وسرابك
وأدي أعرف أسباب لومك ولاماك =قبل الحضور الي يشرف غيابك
من قال فيك وقال عنك وخلاك =لو جاملك مادام لك وإرتقابك
في كل يوم أقول ليتك ولولاك =ماتنفع الي ضاع فيك ومشابك
لاشك كانك تقهر القوم عن ماك =وماقل من زادك يزود زهابك
ماخسرك راعي الوفا في عطاياك =من باع باعك ماشراك وشرابك
إختر وجاوب وأفرق إدواك عن داك =من شان شيٍ خص حضرة جنابك
ياصاحبي قدام لاذكرك وأنساك =لاهل هملول المطر من سحابك
ترعد وتبرق في دروبك ومرماك =والا تموت وتندفن في ترابك