أرجوك لاعاد تنشدنـي عـن أخبـاري=الحال واقف وصـدري ضايق(ن)حـده
أقولـك وأبصـراحـه مـقـدر أداري=على فراقك ترى مـا عـاد بـي شـده
من غبت يومين مدري عن هوى داري=وما يندرى وش يصير أن طالت المـده
لا وعذاب الخفوق أن طـال مشـواري=وطاولنـي الصيـف كلـه لأول الهـده
لابعدتـك المسافـه جابـك الـطـاري=يجيبك الشـوق عنـدي لارحـم جـده
أحاول أنساك لحظـه وأجمـع أفكـاري=وعجزت لنسى وعيـت تنفـع الصـده
من جبت ذكرالسفر عندي وأنـا داري=أني بحسـب حسـاب الوقـت وعـده
مغيـر أخطـط لـك الأيـام بجـداري=من زود حرصي وأخاف أضيـع العـده
من يوم خمسة عشر من شهرنا الجاري=تاريخ الأقـلاع حتـى موعـد الـرده
وأنا على جمر وأشكي من لهب نـاري=وكن الزمن واقف(ن)ضدي وأنا ضـده
الصيف شمس وسموم ولاهـب وذاري=و زود(ن)على الصيف خلي مبعد(ن)خده
لا شك أبصبر وأزيد العـزم بصـراري=مادمت رجل(ن)يجيـب العلـم ويـرده
وبالنايفـه والطويلـه برفـع أشعـاري=وما تنحني هامتـي فـي حـزة الشـده
وأنا لكـل الهمـوم وللتعـب ضـاري=والقول والفعـل أنـا بالصاملـه قـده
لين الله يجيب من ينشد عـن أخبـاري=وأقول له خافقـي مشتـاق لـك حـده