بعد جرح السنين اللي ملا قلبي هموم وياس=بعد كل الظروف اللي فرضها وقتي القاسي
بعد ماكنت عايش والمشاعر عطّش ويبّاس=وكنت أعيش بالدنيا كأني معلن أفلاسي
أخيراً جتني الفرصه وصرت أحب مثل الناس=معك حتى بدأ شيءٍ عظيم يحرك أحساسي
بعد مازارني صوتك وحرك قلبي الحساس=وفعلاً أبتديت أقدر أحطم حزني وياسي
ذكرت الضحك والبسمه وعفت الهم والهوجاس=معك قمت أتذكر يابعد عمري وأنا ناسي
معاك أعيش في قمت سعاده مالها مقياس=على حروف أسمك أببني حياتي والوفى ساسي
وأبيك تحبني وتودني حتى آخر الأنفاس=وأنا بعاهدك أني لحبك لآخر أنفاسي
وأذا ملكت قلبي في غلاك وطيبتك لا باس=تدلل ما ملكت ألا حلالك يابعد راسي