يالله يامنشـي حقـوق النـواشـي=تسقي ثرى ديارٍ من العام عطّـاش
من مزنةٍ تضفي علي الدار ناشـي=وبرّاقها يضوي كما نـور الافـلاش
في خد قفـرٍ تحتويـه الرشاشـي=يومين ثم تصبح كما الزل وافراش
يم الديار اللي حميسـه اهشاشـي=في خايـعٍ ريحـه يـرد التنعـاش
وباكر لياطـاح الوسـم بالتلاشـي=كلٍ يبا يآخذ مـع الـدرب مغبـاش
من فوق جيـبٍ غالـيٍ بالمعاشـي=امن الحفيزُ مسلم الدفـع بالكـاش
واللي يسوقه لاستوي الدرب شاشي=قرمٍ ينومس بالنبا صاحـب شـاش
واللي معي كلٍ علي الطيب ناشـي=من لابتن من فعلها الطيب قد حاش
وليا وصلت الروض جاك اندهاشـي=روضٍ خضر يشبع مجاميع الادباش
وحفة المكان وكل خـد امتلاشـي=ولمع الندى بالروض يعطي التنعاش
جيت الفياض وجيت ذيك المشاشي=وخذت مده بالنظر وانـت منـداش
بعد العصر يازين لاصـرت ماشـي=ينساح بالك من تفاكيـر ودغـاش
وهـذا يسـوي قهوتـة بنتعاشـي=وهذا يضبط كل واحد لـه افـراش
واليا لفاك الليـل والكـل شاشـي=كلٍ يجيب اعلوم يطرب لها الجـاش
وكلٍ يعـاون صاحبـه بالبشاشـي=ولايحتوي من بينهم قلب غشـاش
ولاصرت ماتمشي مع درب واشـي=الطيب ذخرٍ لك ترى اللاش ماعاش